Jeremias 40:8 - Maung A Balita Biblia

⁸ Kanyan nila ra si Gedalias ed Mizpa. Saray linma et di Ismael a lakin anak nen Natanias, Johanan a lakin anak nen Carea, Seraya a lakin anak nen Tanhumat, saray lalakin anak nen Efai a taga Metofat, tan Jezanias a taga Maaca.

Maung a Balita Biblia

⁸ Kanyan nila ra si Gedalias ed Mizpa. Saray linma et di Ismael a lakin anak nen Natanias, Johanan a lakin anak nen Carea, Seraya a lakin anak nen Tanhumat, saray lalakin anak nen Efai a taga Metofat, tan Jezanias a taga Maaca.

Jeremias 40:8 Iomraidhean Croise

2 Samuel 10:6

Abirbir na saray Ammonita ya agawa ran kalaban si David, kanyan angupa ray duamplon libon Sirianon sondalo a taga Bet-rehob tan Soba, labinduan libon lalaki a taga Tob, tan say ari ed Maaca a kaiba to ray sanlibon totoo to.

2 Samuel 10:8

Kinmurang iray Ammonita tan namparaan iran mibakal diad lolooban na Rabba a manonan siudad da, balet saray arum—saray taga Siria, Tob tan Maaca—namparaan irad kaalogan.

2 Saray Arari 25:23

Nen nadngelan ya na saray opisyal tan saray sondalon ag sinmuko, akitipon irad kinen Gedalias diad Mizpa. Sarayan opisyal et di Ismael a lakin anak nen Netanias, Johanan a lakin anak nen Karea, Seraya a lakin anak nen Tanhumet a taga baley na Netofa, tan Jaazanias a taga Maaca.

2 Saray Arari 25:25

Balet diad kumapiton bulan na saman met lamlamang a taon, si Ismael a lakin anak nen Netanias tan apo nen Elisama tan kabyangan na pamilyay ari et linmad Mizpa a kaiba to ray samploran lalaki, dinogpaan day Gedalias tan pinatey da. Pinatey da met iray Israelita tan saray taga Babilonia a kakaiba nen Gedalias.

1 Saray Awaran 2:48

Si Caleb wala niy sakey ya inamung ton bii a manngaray Maaca tan naanakan to na duaran lalaki a di Seber tan Tirhana.

1 Saray Awaran 2:54

Si Salma ya angiletneg na Betlehem so sengeg na saray totood Netofat, Astarot-bet-joab, tan saray Zorita a sikaray sakey ed duaran boleg ed Manahat. (

Esdras 2:2

Saray pangulo ra et di Zorobabel, Josue, Nehemias, Seraya, Reelaya, Mardokeo, Bilsan, Mispar, Bigvai, Rehum, tan Baana. Sikato yay listaan na saray boleg na Israel a kataruk toy bilang na saray pinmawil:

Nehemias 7:26

Pinmawil met ira yan totoo a saray lalaki ra et nanayam ed saray onggendan a baley: Betlehem tan Netofa—sanlasus, walomplo tan walo; Anatot—sanlasus, duamplo tan walo; Bet-azmavet—apataplo tan dua; Kiryat-jearim, Cefira, tan Ceerot—piton lasus, apataplo tan talo; Rama tan Geba—anem a lasus, duamplo tan sakey; Micmas—sanlasus, duamplo tan dua; Betel tan Ai—sanlasus, duamplo tan talo; Say sananey a Nebo—limamplo tan dua; Say sananey ya Elam—sanlibo, duan lasus, limamplo tan apat; Harim—talon lasus tan duamplo; Jerico—talon lasus, apataplo tan lima; Lod, Hadid, tan Ono—piton lasus, duamplo tan sakey; Senaa—talon libo, siam a lasus tan talomplo.

Jeremias 37:15

Mapalaloy pasnuk dad siak; sinisiplatan da ak, insan da ak impokuk ed abung nen Jonatan a sikritarioy ari, a nagmaliw a prisowan so abung to.

Jeremias 37:20

Kanyan natan, Kagalang kon Ari, kerewen kod sika a dengel mo ak pa, tan iter moy kerewen ko. Ag mo ak pa la ipapawil ed prisowan diad abung nen Jonatan. Ta no ipawil mo ak, andi-saew ya ompatey ak lad man.”

Jeremias 38:26

Ibagam labat ed sikara a kekerewen mod siak ya ag ta ka la papawilen ed prisowan a dimay pateyan mo.”

Jeremias 40:11

Legan to ya, amin da ray Israelita a walad dalin na Moab, Ammon, Edom, tan saray arum a bansa, et nadngelan da a say ari na Babilonia et inabuloyan to ray pigaran Israelita a manaayam ed Juda, tan impagmaliw ton gobirnador da si Gedalias.

Jeremias 40:13

Kayari to ya, si Johanan a lakin anak nen Carea tan saray pangulo na saray sondalo ya ag sinmuko et linma rad kinen Gedalias diad Mizpa

Jeremias 40:14

tan kuandad sikato, “Amtam a si Ari Balis na Ammon et imbaki toy Ismael a lakin anak nen Natanias, pian papatey to ka?” Balet ag to ya sinisia nen Gedalias.

Jeremias 40:15

Insan si Johanan inkuantod maamut ed kinen Gedalias, “Iyabuloy mon onla ak a pateyen koy Ismael, tan anggapod satan so makaamta no siopay amatey ed sikato. Ag ka nepeg a pateyen na saman a too. No napatey ka, nikaykayat iray Judion ooleyan mo; tan sakey ni, napatey ya amin iray atilak ed Juda.”

Jeremias 40:6

Linma ak ya akiayam ed kinen Gedalias diad Mizpa tan akilimug-limug ak ed saray totoon atilak ed dalin na Juda.

Jeremias 41:1

Nen kumapiton bulan, si Ismael a lakin anak nen Natanias tan apo nen Elisama, tan sakey a kabyangay pamilya na ari, linmad Mizpa a kaiba to ray samploran lalaki, ta nengnengen day Gobirnador Gedalias. Nen wala rad Mizpa tan mandorongo ra,

Jeremias 41:11

Nadngelan nen Johanan a lakin anak nen Carea tan amin da ra may kakaiba ton pangulo na sondalo so maoges a ginawa nen Ismael.

Jeremias 41:2

inoyus nen Ismael so ispada to tan saramay samploran lalaki, insan da pinatey si Gedalias.

Jeremias 42:1

Insan amin da ra may pangulo na sondalo, pati si Johanan a lakin anak nen Carea tan si Azarias a lakin anak nen Hosaya tan saray totoon nandoromay kipapasen da, et linma rad siak

Jeremias 42:8

kanyan tinawag ko ra di Johanan a lakin anak nen Carea, amin da ray kaiba ton pangulo na saray sondalo, tan saray arum a totoo.

Jeremias 43:2

Insan si Azarias a lakin anak nen Hosaya, si Johanan a lakin anak nen Carea, tan saray arum a mapaatagey a totoo kuandad siak, “Mantitila ka. Ag ka imbaki na Katawan a Dios mi a mangibagad sikamin ag kami manayam ed Egipto.

Jeremias 43:5

Insan si Johanan tan amin da ra may pangulo na saray sondalo inyakar dad Egipto so balang toon atilak ed Juda, a pati amin da ray totoon pinmawil a manlapud saray bansan nikaykayatan da:

Deuteronomio 3:14

Si Jair a kabyangan na tribu nen Manases et inala ton kayaryan so intiron dalin na Argob, a salanti say Basan, ya anggad ketegan na Gesur tan Maaca. Inngaran tod sikaton dili iray bario, tan anggad natan atawag ni ra a bario nen Jair.)

Josue 12:5

Sakop na nanarian to so Palandey na Hermon, Saleca, tan intiron Basan ya anggad saray ketegan na Gesur tan Maaca; sakop to met so kapaldua na Galaad ya anggad ketegan na nanarian nen Ari Sehon na Hesbon.