Jeremias 40:4 - Maung A Balita Biblia

⁴ Ekalen ko la natan iray golunggolung ed ngalngalowan mo tan ibolus ta ka la. No labay moy milad siak ed Babilonia, nayari tan asikasoen ta ka. Balet no ag mo labay, andi bali. Napampilyan mo so intiron bansa; nayarian moy onla ed anggan iner a labay mo.”

Maung a Balita Biblia

⁴ Ekalen ko la natan iray golunggolung ed ngalngalowan mo tan ibolus ta ka la. No labay moy milad siak ed Babilonia, nayari tan asikasoen ta ka. Balet no ag mo labay, andi bali. Napampilyan mo so intiron bansa; nayarian moy onla ed anggan iner a labay mo.

Jeremias 40:4 Iomraidhean Croise

Genesis 13:9

Say maung, mansiyan ita la. Pilim so labalabay mon dalin. Lakad sakey a pasen; onla ak balet ed sananey.”

Genesis 20:15

Inkuantod Abraham, “Niay intiron dalin ko; manayam kad inerman a pasen a labay mo.”

Genesis 44:21

Ingganggan mon awiten mi dia, pian nanengneng mo,

Genesis 47:6

tan walad silong na pakayarim so intiron dalin na Egipto, panayam mo rad Gosen a sankamaungan a parti na bansa. No wala ra bilang so lalakin marunong a mankomponiy ayep, ipasen mo ran inkargado ed saray dilin ayayep ko.”

Ester 3:11

Inkuan na Ari ed sikato, “Kayaryan mo ray totoo tan saray kuarta ra; gawam ed sikaray labay mo.”

Jeremias 37:14

Inmebat ak, “Aliwan tua tan! Ag ak ombabatik a migampid saray taga Babilonia.” Balet ag ak dinengel nen Irias. Inerel to ak ingen tan inyakar to ak ed saray opisyal.

Saray Tagleey 3:7

Ginolunggolungan to ak na baleg; pinadir to so kaliber-liber ko, kanyan ag ak makabatik.