Jeremias 40:10 - Maung A Balita Biblia

¹⁰ Manayam ak ed Mizpa tan siak so mangilaman ed sikayo no onla ra diay taga Babilonia. Balet sikayo nayarian yoy manala tan mangisinup na alak, bunga na saray tanaman, tan say larak na oliba. Nayarian yoy manayam ed saray barion asakop yo.”

Maung a Balita Biblia

¹⁰ Manayam ak ed Mizpa tan siak so mangilaman ed sikayo no onla ra diay taga Babilonia. Balet sikayo nayarian yoy manala tan mangisinup na alak, bunga na saray tanaman, tan say larak na oliba. Nayarian yoy manayam ed saray barion asakop yo.

Jeremias 40:10 Iomraidhean Croise

2 Samuel 16:1

Nen akalabas na daiset si David ed toktok na pokdul, inabet nen Siba ya aripen nen Mefiboset, a wala ray kaiba ton duaran asno a napnoy beneg da na duan lasus a tinapay, sanlasus a monggol na pasas, sanlasus a monggol na kapamborbor a prutas, tan sakey a supot a katat a napnoy alak.

1 Saray Arari 10:8

Mapalar iray asawam! Mapalar iray aripen mo, a wala ra lawas ed arap mo tan narerengel day kakabatan mo!

Probirbio 22:29

Ipanengneng mod siak so toon maung so kimey to, et ipanengneng kod sikay toon daeg to ray karaklan tan manepeg a kaiba na saray arari.

Probirbio 27:25

Mansimbon kay dayami, tan mampalut kay dika ed saray alusadsar na pokdul legan ya ombabaleg iray onsoblay ya anien.

Isaias 16:9

Nanangisan ko natan iray wakal na Sibma a singa pannanangis kod Jazer. Onteterter so luak lapud Hesbon tan Eleale, ta anggapoy ani a makapaliket ed saray totoo.

Jeremias 35:19

Lapud saya, siak, say Katawan a Makapanyarin-amin a Dios na Israel, isisipan ko a nawalaan lawas si Jonadab a lakin anak nen Recab na sakey a lakin kabyangay boleg to a manlingkur ed siak.”

Jeremias 39:10

Intilak tod dalin na Juda iray sankamairapay bilay a totoo ya anggapoy kayaryan dan balut, insan to ra initdan na saray kaubasan tan kaalogan.

Jeremias 40:12

Kanyan tinaynan da ray pasen a nikaykayatan da tan pinmawil irad Juda. Linma rad kinen Gedalias diad Mizpa, tan nanaala ray amayamay ya alak tan saray bungay tanaman.

Jeremias 40:6

Linma ak ya akiayam ed kinen Gedalias diad Mizpa tan akilimug-limug ak ed saray totoon atilak ed dalin na Juda.

Jeremias 43:5

Insan si Johanan tan amin da ra may pangulo na saray sondalo inyakar dad Egipto so balang toon atilak ed Juda, a pati amin da ray totoon pinmawil a manlapud saray bansan nikaykayatan da:

Jeremias 48:32

Mapalalo niy pannangis kod saray taga Sibma nen saray taga Jazer. Siudad na Sibma, singa ka ubas a saray sangam et labsanan day Inatey a Dayat tan sabien day Jazer. Balet natan aderal iray bungam ed panaoy tiagew tan saray masasamit ya ubas mo.

Mikias 7:1

Pakaskasi ak la! Singa ak sakey a toon narasan ya anggapoy narumog ton akeraan a bungay kakiewan tan anggapoy bungay ubas a nakdaan ed saray wakal. Aborbor ya amin iray bungay ubas tan amin a masamit ya igos.

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Deuteronomio 1:38

Balet pabiskeg moy linawa na katulongan mon si Josue a lakin anak nen Nun. Ipangulo to ray Israelita ed panakop dad dalin.’

Deuteronomio 16:13

“Kayari yon nailik iray amin a trigo yo tan napespes iray ubas yo, silibraan yo na pitoran agew so Pista na saray Abung-abung.