Jeremias 4:6 - Maung A Balita Biblia

⁶ Itoro yoy dalan ya ompogtad Sion! Batik kayod pasen ya arawid kaatapan! Ag kayo la manaabala! Say Katawan mangipasabi na segsegang tan baleg a deral a manlapud baybay.

Maung a Balita Biblia

⁶ Itoro yoy dalan ya ompogtad Sion! Batik kayod pasen ya arawid kaatapan! Ag kayo la manaabala! Say Katawan mangipasabi na segsegang tan baleg a deral a manlapud baybay.

Jeremias 4:6 Iomraidhean Croise

Isaias 62:10

Sikayon totood Jerusalem, paway kayod siudad Tan manggawa kayoy dalanen na saray ompapawil a totoo yo! Mangiparaan kayoy maawang a dalan; ekalan yo na saray bato! Mangyan kayo na saray tanda, pian naamtaan na saray bansa

Jeremias 10:22

Dengel kayo! Sinmabi lay balita! Walay baleg a gewgew ed sakey a bansa ya anggad baybay; saray sondalo to pagmaliwen dan kabueran iray siudad na Juda, say pasen a panaayaman na saray asod katakelan.”

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 22:7

Mangibaki ak na totoon manderal ed sayan palasio. Awiten dan amin iray wasay da, batangen da ray balibalin lusek a sidro, insan da ra ibontuk ed apoy.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 4:21

Kapigan mangangga so nepeg kon pangimatun ed sulit na bakal tan say pandengel koy tanul na trumpita?

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Jeremias 50:22

Narerengel ed dalin so tanul na bakal tan walay nagagawan baleg a panderal.

Jeremias 51:12

Isinyas yon dogpaan iray padir na siudad na Babilonia. Paletan yo so panagguardia! Mangyan kayo na saray guardia! Mangipasen kayo na saray mansanib.” Ginawa na Katawan so imbaga to lan gawaen to ed saray totood Babilonia.

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

Jeremias 51:54

Say Katawan kuanto, “Dengel yoy panakis ed siudad na Babilonia, say panermen lapud inkaderal na intiron bansa.

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Jeremias 6:22

Say Katawan kuanto, “Onsasabin manlapud sakey a bansa ed baybay iray totoo; mampaparaan a mibakal so sakey a makapanyarin bansa a walad arawi.

Ezekiel 9:1

Insan nadngel kon ineyag na Dios, “Gali dia, sikayon totoo a manusad siudad. Awit yo ray armas yo.”

Ezekiel 9:2

Tampol a sinmabi ray anemiran lalaki ya akaarmas a nanlapu rad puirtad paway diad bandad baybay na Timplo. Kaiba ray lakin akakawes na linen a sankaawit toy sakey a pansulatan. Dinmago ra tan nanalagey irad abay na gansan altar.

Sofonias 1:10

“Diad satan ya agew,” kuay Katawan, “narengel yoy akisan ed Puirta na Sira ed Jerusalem. Narengel yoy panogaogan ed balo-balon parti na siudad tan say baleg ya ungol na katebag na kapokdulan.

Zacarias 6:6

Samay karwahin igogoyur na saray andeket a kabayo et mamapaarap irad baybay diad Babilonia, saramay ampotin kabayo et diad bokig so lalaen da, tan saramay batekan et oonla rad bansa diad abalaten.