Jeremias 4:27 - Maung A Balita Biblia

²⁷ Imbaga na Katawan a magmaliw ya andi-kakanaan so intiron mundo, balet ag to deralen a sigput.)

Maung a Balita Biblia

²⁷ (Imbaga na Katawan a magmaliw ya andi-kakanaan so intiron mundo, balet ag to deralen a sigput.)

Jeremias 4:27 Iomraidhean Croise

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”

Nehemias 9:31

Anggaman ontan, ag mo ra inkaindan o dineral, lapud baleg so panangasim. Maaro tan mapangasi ka a Dios!

Isaias 17:6

Pigpigaray makapaliis ed patey; say Israel magmaliw a singa sakey a kiew na oliba ya aborbor la ray bunga to likud ed duara o taloran atilak ed toktok, odino apatira o limaran atilak ed saray sanga to. Siak, say Katawan a Dios na Israel, so nansalita.”

Isaias 24:1

Say Katawan deralen toy dalin tan taynan ton begtebegtew. Yesyesen toy tapew na dalin tan ikaykayat to ray totoo to.

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Jeremias 25:11

Magmaliw a bontun na dera-deral yan intiron dalin tan makapataktakot a nengnengen. Pitomploy taon a panlingkuran na sarayan kakaabay a bansa so Babilonia.

Jeremias 30:11

Laen ta kayon iyagel. Deralen kon amin iray bansan angikayatan kod sikayo, balet ag ta kayo deralen. Ag ko abuloyan ya ag kayo nadusa; balet no dusaen ta kayo, gawaen ko onung ed katonungan. Siak, say Katawan, so nansalita.”

Jeremias 4:20

Mantotombukan so nagagawan panagderal; aderal-deral so intiron bansa. Biglan aderal iray tuldak; apilat-pilat iray kurtina ra.

Jeremias 4:7

Singa lion a manlalapud amutan ton pasen; say managderal na saray bansa et akaparaan la. Onsasabin maneral ed Juda. Naderal-deral iray siudad na Juda, anggapoy natilak a manayam ed sikara.

Jeremias 44:6

Kanyan nampasnuk ak a maung ed saray baley na Juda tan diad saray dalan na Jerusalem, tan pinopoolan ko ra. Aderal-deral ira tan nagmaliw iran makapagiwgiw a nengnengen, a singa kipapasen da natan.

Jeremias 46:28

Dagoen ta kayo, ta iyagel ta kayo. Deralen koy amin a bansa ya angikaykayatan kod sikayo, balet ag ta kayo deralen. Andi-saew ya abuloyan kon nadusa kayo; balet no dusaen ta kayo, gawaen ko onung ed katonungan. Siak, say Katawan, so nansalita.”

Jeremias 5:10

Ibakik iray kalaban ta batangen da ray kaubasan da, balet aliwan sigput so paneral dad sikara. Ibagak ed sikara ya ekalen da ray sanga-sanga, ta ag ko kayaryan ira man a sanga-sanga.

Jeremias 5:18

Say Katawan kuanto, “Anggaman ontan, diad saratan ya agew ag ko sigput a deralen iray totook.

Jeremias 7:34

Magmaliw a kabueran so dalin. Pansamputen ko ray tanul na liket tan gayaga diad saray siudad na Juda tan diad saray dalan na Jerusalem tan saray maliket a tanul na bansal.

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Saray Tagleey 2:7

Impolisay na Katawan so altar to tan say masanton Timplo to; Inabuloyan ton igeba na saray kalaban iray padir to. Diad pasen a maliket min angigagalangan nen saman, inmeeyag ira lapud impanalo.

Ezekiel 11:13

Legan kon mampropropisiya, inatey si Pelatia. Intikleb kod dalin tan ineyag ko, “O Katawan a Dios, pateyen mon amin iray totoon atilak ed Israel?”

Ezekiel 20:17

“Balet kinasian ko ra. Ag ko ra pinapatey diman ed kalawakan.

Ezekiel 33:28

Pagmaliwen kon begtebegtew tan andi-kakanaan so dalin na Israel tan panganggaen koy inkikinon dan pakayari. Pagmaliwen kon anggapoy onkitakitaw iray kapalandeyan to, pian anggapoy malabay ya ondalan diman.

Ezekiel 6:14

On, onla ak a maneral ed bansa ra. Say bansa ra et pagmaliwen kon andi-kakanaan tan begtebegtew a pasen, manlapud niabalaten a kalawakan ya anggad siudad na Ribla diad baybay; napibaliy amin a pasen a panaayaman da ray Israelita. Diad satan naamtaan dan amin a siak so Katawan.”

Levitico 26:31

pagmaliwen kon aderalderal iray siudad yo, deralen ko ray pasen a panangigalangan yo, tan ag ko awaten iray bagat yo.

Levitico 26:44

Balet anggaman ontan, no wala ni rad dalin na saray kalaban da, ag ko ra sigput ya ikaindan, ni deralen. Ta no sigput ko ran ikaindan mangangga so impisipanan kod sikara, et siak so Katawan a Dios da.

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.