Jeremias 4:22 - Maung A Balita Biblia

²² Say Katawan kuanto, “Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.”

Maung a Balita Biblia

²² Say Katawan kuanto, Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.

Jeremias 4:22 Iomraidhean Croise

Genesis 39:16

Insinup to may kawes, anggad sinmempet so amo nen Jose.

2 Samuel 13:3

Walay masilib a kaaro ton manngaray Jonadab a lakin anak nen Simea a lakin agi nen David.

Saray Salmo 36:3

Maoges iray salita to tan tila ran amin; ag to la manggagawa na ontokuy ed kakabatan tan kamaungan.

Saray Salmo 36:4

Mangiplaplanoy maoges no mandokdokul; anggapoy maung a gagawaen to; ag ton balut ipopolisay so kaogsan.

Saray Salmo 53:4

Tetepeten na Dios, “Sarayan totoon managgaway kaogsan, ag da amta? Pambibilayan day tatakewen dad saray totook, tan ag ira mampipikasi ed siak.”

Saray Salmo 82:5

“Anggapoy amta yo! Ag ki makatalus! Sigput so inkaoges yo, tan naandi lay inkatonung diad tapew na dalin.

Probirbio 28:5

Saray totoon maoges ag da amta so kabaliksan na inkatonung, balet saray mangigagalang ed Katawan sigput dan natatalusan.

Isaias 1:3

Amta na saray baka iray akankaryan ed sikara, tan amta na saray asno no iner so pamapakanan ed sikara na amo ra. Balet ag ak amta o natalusan na saray totook ya Israelita.”

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Jeremias 13:23

Nasalatan ta na toon andeket so kolor na baog to, odino naekal ta na liopardo so batek na bago to? No nayarian da, naaralan yo, sikayon totood Jerusalem, so manggaway kaptekan, sikayon pasal yoy manggaway kaogsan.

Jeremias 2:8

Ag tinepet na saray papari, ‘Kawa-laan na Katawan?’ Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.”

Jeremias 4:21

Kapigan mangangga so nepeg kon pangimatun ed sulit na bakal tan say pandengel koy tanul na trumpita?

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Jeremias 5:4

Insan ko ninunot, “Sikara ya labat so mairap-bilay tan anggapoy amta. Makulang-kulang ira; ag da amta so linawa na Katawan; ag da amta so ganggan na Dios da.

Jeremias 9:2

Wala komuy pasen a napanayaman kod kalawakan, pian niarawian ko ray totook. Aliwa ran matoor; olup iray traidor.

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, “Mansosoblayan a kaogsan so gagawaen na saray totook, tan ag da ak bibirbiren a Dios da.”

Jeremias 9:5

Papalikdoen na amin iray kakaaro ra, tan anggapoy mangibabagay katwaan; impasal dan mantila iray dila ra tan ag da tondaay mankasalanan. Mantotombukan lay inkaruksa a gagawaen da, tan say pampapalikdo ra. Ibabaga na Katawan a sikatoy ipopolisay na saray totoo to.

Ezekiel 16:30

Sikato yay ibabaga na Katawan a Dios: “Ginagawam ira yan amin, ta sakey kan anggapoy kababaingan a marotak a bii.

Oseas 4:1

Say Katawan walay dalem to sumpad saray totoon manaayam ed sayan dalin. Dengel ka, Israel ed kuanto: “Diad sayan dalin anggapoy katooran odino panangaro na saray totoo, tan ag da ak bibirbiren a Dios.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Oseas 5:4

Say kaogsan a ginagawa na saray totoo so makaskasbel na ipawil dad Dios da. Say panangigalang ed saray talintaoy diriyos so mabiskeg a manesebel ed sikara tan ag da bibirbiren so Katawan.

Amos 3:10

Say Katawan kuanto, “Sarayan totoo et papanoen da ray ankakabaleg ya abung da na saray bengatlan sinasamsam da tan tinatakew da. Ag da amtay manggaway kaptekan.

Mikias 2:1

Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Lucas 16:8

Samay amo indayew to yan masaol ya inkargado lapud kinasilib to. Ta lalon marunong ni ray minumundon totoo ed pipiolup dad saray kapara ran minumundo nen saray ontotombuk ed Dios.”

Juan 16:3

Gawaen da ra yad sikayo, ta ag da kabat so Ama odino say siak.

Saray Taga Roma 1:22

Mankabatkabatan ira balet diad tuay tua, makulang-kulang ira.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Saray Taga Roma 16:19

Kabkabat la na amin a matoor kayod Cristo, tan panliliketan ko yan maung. Labay kon makabat kayo no nipaakar ed kamaungan, balet anggapoy pibabali yo no nipaakar ed kaogsan.

Saray Taga Roma 3:11

anggapoy makatalus o manaanap ed Dios.

1 CORINTO 14:20

Agagi, ag kayo singa ogogaw diad panagnunot yo. Mipara kayod saray ogogaw no nipaakar ed kaogsan, balet singa kayo komun matakken diad panagnunot yo.

Deuteronomio 32:28

“Say Israel et sakey a bansan anggapoy kalakal to; anggapoy pakatalus da ray totoo to.

Deuteronomio 32:6

Onya so labay yon ibales ed Katawan, sikayon totoon makulang-kulang tan anggapoy liknaan? Sikato so ama yo ya amalsad sikayo, inletneg to kayo a sakey a bansa.