Jeremias 4:15 - Maung A Balita Biblia

¹⁵ Saray ibabaki a nanlapud dalin na Dan tan nanlapud kapokdulan na Efraim, ibabawag day maoges a balita.

Maung a Balita Biblia

¹⁵ Saray ibabaki a nanlapud dalin na Dan tan nanlapud kapokdulan na Efraim, ibabawag day maoges a balita.

Jeremias 4:15 Iomraidhean Croise

Isaias 52:7

Agaylay abig a nengnengen so ibabaki ya onsasabin bebeltangen toy kapalandeyan a taruk toy maung a balita, say balita na kareenan! Ibabawag toy pananalo tan kuantod Sion, “Ari so Dios mo!”

Jeremias 10:22

Dengel kayo! Sinmabi lay balita! Walay baleg a gewgew ed sakey a bansa ya anggad baybay; saray sondalo to pagmaliwen dan kabueran iray siudad na Juda, say pasen a panaayaman na saray asod katakelan.”

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Jeremias 8:16

Wala lad siudad na Dan iray kalaban tayo; narerengel tayo so ariba na saray kabayoy kalaban tayo. Manggiwgiw lay intiron bansa no manaringing iray kabayo ra. Sinmabi la ran manderal na dalin tayo tan amin a logan to, manderal na siudad tayo tan saray totoon manaayam.”

Josue 17:15

Inmebat si Josue, “No dakerakel kayo tan meleg a para sikayo so kapokdulan a pasen na Efraim, laka yod katakelan tan manlinis kayod man na dalin diad kawalaan da ray Perezeo tan saray Refaim.”

Josue 20:7

Kanyan diad sagur na Jordan imbiig day Kedes na Galilea, diad kapokdulan a dalin na Neftali; Sikem, diad kapokdulan a dalin na Efraim; tan Hebron, diad kapokdulan a dalin na Juda.

Saray Huis 18:29

Sinalatan day ngaran to may baley a Lais; insalat da so Dan; impara ra ed ngaran na ateng da a Dan a lakin anak nen Jacob.

Saray Huis 20:1

Amin da ray totood Israel, manlapud Dan diad baybay ya anggad Beer-seba diad abalaten tan manlapud Galaad diad bokig, et inmebat irad tawag a mibakal ira. Nantitipon iran singa saksakey iran laman diad arap na Katawan diad Mizpa.