Jeremias 4:11 - Maung A Balita Biblia

¹¹ Onsabiy panaon a nibagad saray totood Israel a say makasinit a dagem a manlalapud kabueran et onsibuk ed saray totoo na Katawan. Ag onsibuk a singa dagem a mangipapalir na trigo—

Maung a Balita Biblia

¹¹ Onsabiy panaon a nibagad saray totood Israel a say makasinit a dagem a manlalapud kabueran et onsibuk ed saray totoo na Katawan. Ag onsibuk a singa dagem a mangipapalir na trigo

Jeremias 4:11 Iomraidhean Croise

Saray Salmo 11:6

Ipepelag toy ngalab tan mandarlang ya asupri ed saray totoon maoges; dusaen to ra na makasinit a dagem.

Isaias 22:4

Paolyan yo ak a mambukbukor ya akisan koy ampaipait iray totook ya inaatey. Ag yo ak liligliwaen.

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Jeremias 13:24

Say Katawan ikaykayat to kayon singa taep ya itiktikyab na dagem a manlalapud kabueran.

Jeremias 14:17

Ingganggan ak na Katawan ya ibagak ed sikaray nipaakar ed kaermenan ko. Ikuanko, “Onagos komun ed agew tan labi so luak, ag ak komun ontondan onakis, lapud mapalaloy inkasugat na saray totook, tan ontan lay inkasakitan da.

Jeremias 23:19

Singa bagyo so pasnuk to, singa makmaksil ya alimbusabos ya ombasig ed kaolowan da ray totoon maoges,

Jeremias 4:12

say dagem ya onsibuk onung ed ganggan na Katawan et mabiskeg a tuloy! Say Katawan a dili so manisintinsia ed saray totoo to.

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Jeremias 9:7

Lapud saya say Katawan a Makapanyarin-amin kuanto, “Pasilingen kon singa mital iray totoo, tan suboken ko ra. Nanggagaway kaogsan iray totook— anto niy nagawaan kod sikara?

Saray Tagleey 2:11

Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Saray Tagleey 3:48

Singa ilog ya onaagos so luak lapud inkaderal na saray totook.

Saray Tagleey 4:10

Makapataktakot so intaruk na desyang a sinmabi ed saray totook; inlalambung na saray maaron ina iray dilin anak da.

Saray Tagleey 4:3

Papasusoen na anggan inan asod katakelan iray anak da, balet singa saray abistrus ed kalawakan a maruksa rad sibong da iray totook.

Saray Tagleey 4:6

Ambelat niy impakadusa na saray totook nen say impakadusa na saray totood Sodoma, a biglay inkaplag da ed limay Dios.

Ezekiel 17:10

On, nitanem, balet mambilay tan ombaleg kasi? Ag kasi nalenes no basigan na mabiskeg a dagem a manlapud bokig? Ag kasi nalenes lad man ed akaitaneman to?”

Ezekiel 19:12

Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Oseas 13:3

Kanyan naandipat a singa kelpa ed kabwasan ira yan totoo; singa ra linaew a naandipat ed kabkabwasan. Magmaliw iran singa saray taep ed ilikan ya ipapalir ira na dagem, tan naandipat iran singa asewek ya ompapaway ed pasngawan.

Oseas 4:19

Nibantak ira naani ed arum a bansa, a singa ra intikyab na mabiskeg a dagem tan ombaing ira lapud saray paganon bagat da.

Habacuc 1:11

Insan onlalabas iran singa dagem tan nanaandi la ra, sarayan totoo a dios da so pakayari ra.”

Habacuc 1:6

Pagmaliwen kon manoley iray taga Babilonia, saraman a mapalaloy sebeg tan ag mandeen a totoo. Sulong la ran sulong ed anggan iner, pian nadakep da ray arum a dalin.

Mateo 3:12

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Lucas 3:17

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”