Jeremias 39:8 - Maung A Balita Biblia

⁸ Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

Maung a Balita Biblia

⁸ Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

Jeremias 39:8 Iomraidhean Croise

2 Saray Arari 25:8

Nen kumapiton agew na kumaliman bulan na kumalabinsiam a taon na panooley nen Nabucodonosor ed Babilonia, linmoob ed Jerusalem si Nebuzaradan a sumisimbawa na ari tan pangulo na saray sondalo na ari.

2 Saray Awaran 36:19

Pinoolan toy Timplo tan say siudad, pati saray palasio to tan saray kayamanan to, insan inggeba to ray padir na siudad.

Nehemias 1:3

Imbaga rad siak a baleg so paniirap da ray akaligtar tan akapawil lad baley da; memelag-melagen met ira na saray totoon sangkaili a manaayam ed kaliber-liber da. Imbaga ra met ed siak ya ageba ni ray padir na Jerusalem tan ag ni apasimbalon nipaalagey iray puirtan apoolan.

Saray Salmo 79:7

Ta pinapatey da ray totoom, tan dinederal day bansam.

Isaias 5:9

Nadngel kon ibabaga na Katawan a Makapanyarin-amin, “Amin da ra yan ankakabaleg tan mararakep a kaabungan et naderal ira tan ag la ra natoowan.

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Jeremias 21:10

Ginetmak la ya ag ko iyagel yan siudad, no ag ta deralen ko. Nipalima ed ari na Babilonia tan poolan ton temeken. Siak, say Katawan, so nansalita.”

Jeremias 32:29

tan poolan da. Poolan da ray pati abung a nampopoolan na saray totoo na insinson bagat ed kinen Baal diad saray toktok na kaabungan tan nankakalboan da na alak a bagat ed saray diriyos. Diad sarayan abung saray totoo impanpasnuk da ak.

Jeremias 34:2

Say Katawan, say Dios na Israel, imbaga tod siak ya onla ak ed kinen Ari Sedekias na Juda ta ikuanko yan salita to, “Siak, say Katawan, ipadakep ko yan siudad ed ari na Babilonia, tan poolan to.

Jeremias 34:22

Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Jeremias 37:10

Anggaman a natalom ya amin iray sondalo na Babilonia, ta pian saray nakeraan labat ed sikara et saray sugatan a mandokdokul ed dalem na saray tulda ra, sarayan totoo et looban da ni yan siudad, insan da poolan.”

Jeremias 38:18

Balet no ag ka onsuko, nipalimad saray taga Babilonia yan siudad, poolan da, tan ag mo ra nibatikan.”

Jeremias 5:10

Ibakik iray kalaban ta batangen da ray kaubasan da, balet aliwan sigput so paneral dad sikara. Ibagak ed sikara ya ekalen da ray sanga-sanga, ta ag ko kayaryan ira man a sanga-sanga.

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Saray Tagleey 1:10

Sinamsam na saray kalaban iray amin a kayamanan to. Anengneng to ran linmoob ed Timplo, a say dalem to et insebel na Katawan a looban na saray Hintil.

Saray Tagleey 2:2

Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Saray Tagleey 2:7

Impolisay na Katawan so altar to tan say masanton Timplo to; Inabuloyan ton igeba na saray kalaban iray padir to. Diad pasen a maliket min angigagalangan nen saman, inmeeyag ira lapud impanalo.

Ezekiel 16:41

Poolan da ray kaabungan mo tan ipanengneng dad saray amayamay a bibii so kadudusam. Patondaen ta kad pipiakdul mod saray arum a lalaki tan ag ta ka la pangiteren na rigalo ed saray kainarowan mo.

Ezekiel 23:47

Patupak yo rad sarayan totoo, padogpaan yo ra na ispada, papatey yo ray anak da, tan papoolan yo ray kaabungan da.

Ezekiel 33:21

Nen kumaliman agew na kumaplon bulan na kumalabinduan taon na inkibantak mid arum a bansa, walay sakey a toon akabatik a nanlapud Jerusalem tan imbaga tod siak a naplag la so siudad.

Amos 2:5

Lapud saya mangyakar ak na apoy ed Juda tan poolan ko ray tirinsira na Jerusalem.”

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.