Jeremias 39:4 - Maung A Balita Biblia

⁴ Nen si Ari Sedekias na Juda tan amin da ray sondalo to et anengneng day agawa, sinali ran ibatikay siudad legay labi. Pinmaway irad tanamanan na ari, insan ira dinmalan ed puirtan nanleetan na saray duaran padir tan batik iran amaarap ed Patar na Jordan.

Maung a Balita Biblia

⁴ Nen si Ari Sedekias na Juda tan amin da ray sondalo to et anengneng day agawa, sinali ran ibatikay siudad legay labi. Pinmaway irad tanamanan na ari, insan ira dinmalan ed puirtan nanleetan na saray duaran padir tan batik iran amaarap ed Patar na Jordan.

Jeremias 39:4 Iomraidhean Croise

2 Saray Awaran 32:5

Pinabiskeg na ari so siudad diad impangapiger tod padir, impamaalagey tod saray tori ed tapew na padir, tan impamaalagey to na kumadwan padir ed bandad paway. Inapiger to met imay pasen a tinabonan diad nibokig na daan a parti na Jerusalem, tan nampapagawa na amayamay a pika tan samper.

Isaias 22:11

nanggawa kayoy dipositowan ed loob na siudad ya agosan na danum a manlapud daan a dipositowan. Balet ag yo inasasikaso odino anunotan so Dios ya abayag lan angiplano ed sarayan amin tan sikatoy angyabuloy a nasumpal ira.

Isaias 22:3

Ag nin balut akapana iray pangulo yo, et batik tan adakep la ra.

Isaias 29:2

insan say Dios iyakar toy deral ed siudad a tatawagey “altar na Dios.” Niwalad satan so panakis tan panagugol, tan say intiron siudad et magmaliw a singa altar a naames na dala.

Jeremias 32:4

tan ag makabatik si Ari Sedekias. Niawat ed ari na Babilonia; napilupaan to tan napitongtongan ton dili.

Jeremias 32:5

Niakar ed Babilonia si Sedekias, tan manayam diman ya anggad arapen kon tulongan. Anggano mibakal ed saray tagan Babilonia, ag manalo. Siak, say Katawan, so nansalita.”

Ezekiel 12:12

Say prinsipin manooley ed sikara et sakbaten tod ambilonget so balkut to tan diad binongaw dad padir ompaway ya ombatik. Pepetan toy mata to et ag to nanengneng no iner so laen to.

Ezekiel 12:4

No agew ni, mambalkut ka, pian nanengneng da ka. Insan ka mampanengneng ed sikara no ontataynan kad labi a singa ka adakep ya ibantak ed arum a bansa.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Levitico 26:36

“Pagmaliwen ta kayon mapalalon matakot, sikayon nibantak ed arum a bansa, kanyan anggan diad kalasakas labat na bolung ombatik ki la. Ombatik kayon singa oosilan ed bakal tan natumba kayo, anggan anggapoy kalaban ed abay yo.

Amos 2:14

Ag makaarawi iray anggan totoon mabatik; onkapoy iray mabiskeg a totoo, tan ag niagel na saray sondalo so dilin bilay da.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.