Jeremias 39:2 - Maung A Balita Biblia

² Nen kumasiam ya agew na kumapat a bulan na kumalabinsakey a taon na panaari nen Sedekias, ageba ray padir na siudad. (

Maung a Balita Biblia

² Nen kumasiam ya agew na kumapat a bulan na kumalabinsakey a taon na panaari nen Sedekias, ageba ray padir na siudad. (

Jeremias 39:2 Iomraidhean Croise

Jeremias 1:3

Akisalita lamet ed sikato so Katawan nen arid Juda si Joakim a lakin anak nen Josias. Kayari to ya, amimpiga-pigan akisalitay Katawan ed sikato anggad kumalabinsakey na panaari nen Sedekias a lakin anak nen Josias. Nen kumaliman bulan ed saman a taon, saray totood Jerusalem et nibantak irad arum a bansa.

Jeremias 32:1

Akisalitay Katawan ed siak nen kumaplon taon na panaari nen Sedekias ed Juda, tan kumalabinwalon taon na panaari nen Nabucodonosor ed Babilonia.

Jeremias 34:22

Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Jeremias 37:8

Insan ompawil diad satan iray taga Babilonia, dogpaan da yan siudad, dakepen da, insan da poolan.

Jeremias 5:10

Ibakik iray kalaban ta batangen da ray kaubasan da, balet aliwan sigput so paneral dad sikara. Ibagak ed sikara ya ekalen da ray sanga-sanga, ta ag ko kayaryan ira man a sanga-sanga.

Ezekiel 33:21

Nen kumaliman agew na kumaplon bulan na kumalabinduan taon na inkibantak mid arum a bansa, walay sakey a toon akabatik a nanlapud Jerusalem tan imbaga tod siak a naplag la so siudad.

Ezekiel 4:3

Mangala ka met na kawalin balatyang tan iliram a singa padir ed nanleetan mo tan say siudad. Arap ka ed siudad. Alakob la so siudad, tan sika so manlalakob. Sikato ya so sakey a tanda ed bansa na Israel.

Ezekiel 5:2

Poolan mod siudad so kakatlo to kayariy kalakob to. Alam so sananey a kakatlo tan tartartar mo na ispadam legan mon liliberen so paway na siudad. Ibuyandak mod tagey so akeraan a kakatlo, insan ko ra osil-osilan na ispadak.

Sofonias 1:10

“Diad satan ya agew,” kuay Katawan, “narengel yoy akisan ed Puirta na Sira ed Jerusalem. Narengel yoy panogaogan ed balo-balon parti na siudad tan say baleg ya ungol na katebag na kapokdulan.

Zacarias 8:19

“Say ayunon nagagawa kapag kumapat, kumalima, kumapito tan kumaplon bulan et magmaliw a pista na liket tan gayagan para saray totood Juda. Nepeg yon aroen so katwaan tan kareenan.”