Jeremias 39:14 - Maung A Balita Biblia

¹⁴ et impaala da ak ed patio na palasio. Impaasikaso da ak ed kinen Gedalias a lakin anak nen Ahicam tan apo nen Safan. Insempet to ak la sirin ed abung. Akilimug-limug ak sirin ed saray totood man.

Maung a Balita Biblia

¹⁴ et impaala da ak ed patio na palasio. Impaasikaso da ak ed kinen Gedalias a lakin anak nen Ahicam tan apo nen Safan. Insempet to ak la sirin ed abung. Akilimug-limug ak sirin ed saray totood man.

Jeremias 39:14 Iomraidhean Croise

2 Saray Arari 22:12

Ingganggan to ra di Helcias a pari, Ahicam a lakin anak nen Safan, Acbor a lakin anak nen Micaya, Safan a sikritario na korti, tan si Asaya a mananulong na ari:

2 Saray Arari 22:14

Di Helcias, Ahicam, Acbor, Safan tan Asaya et linma ran angipanon ed sakey a biin manngaran na Hulda, sakey a propita a manaayam ed balo nin kabyangan na Jerusalem. (Say asawa to yan bii a si Sallum ya anak nen Tocat tan apo nen Hasra et sikatoy makaoley ed saray kawes ya isosolung na saray papari no manlingkur irad Timplo.) Imbaga rad kinen Hulda iray agawa,

2 Saray Awaran 34:20

Ingganggan to ra di Hilcias, Ahicam a lakin anak nen Safan, Abdon a lakin anak nen Mica, Safan a sikritario na korti, tan si Asaya a mananulong na ari:

Saray Salmo 105:19

ya anggad tinmua so impropisiya to. Pinaneknekay salita na Katawan a tuay imbaga nen Jose.

Jeremias 26:22

Balet si Ari Joakim imbaki tod Egipto si Elnatan a lakin anak nen Acbor tan saray arum a lalaki ta alaen day Urias.

Jeremias 26:24

Balet ag ak nipalimad saray totoo pian pateyen da ak, lapud inyagel ak nen Ahikam a lakin anak nen Safan.

Jeremias 32:2

Diad saman a panaon, dodogpaan na saray sondalo na ari na Babilonia so Jerusalem, tan asaraan ak ed patio na palasioy ari.

Jeremias 37:21

Kanyan ingganggan nen Ari Sedekias a nipokuk ak ed dalem na patio a diman ak naiitdan na sakey a tinapay ya inagew-agew, anggad naoput lan amin so tinapay ed siudad.

Jeremias 38:13

Ginoyur da ak sirin diad panamegley na samay lobir, et naagwat ak. Kayari to ya, nipokuk ak lad dalem na patio.

Jeremias 38:28

Nansiansia ak a nanayam ed patio na palasio anggad adakep so Jerusalem.

Jeremias 39:13

Kanyan si Nebuzaradan, tan saray atagey ya opisyal a di Nebusazban tan si Nergal-sarezer, tan amin da ray arum nin opisyal na ari na Babilonia

Jeremias 39:15

Akisalitay Katawan ed siak legan ya apokuk ak ni ed patio na palasio. Imbaga tod siak

Jeremias 40:1

Akisalitad siak so Katawan kayarin imbolus ak ed Rama nen Nebuzaradan a pangulo na saray sondalo. Niakar ak diman ya akagolunggolung; kaibak ya amin iray totoon taga Jerusalem tan Juda a niakar a priso ed Babilonia.

Jeremias 40:5

Nen ag ak onebat, inkuanen Nebuzaradan ed siak, “Pawil kad kinen Gedalias, a lakin anak nen Ahicam tan apo nen Safan, a sikatoy impagmaliw na ari na Babilonia a gobirnador na saray baley na Juda. Nayarian moy manayam ed sikato a kalimug mo ray totood man, odino onla ka ed inerman a pasen a labay mo.” Initdan to ak na rigalo tan say nakan ya awiten ko, insan to ak la pinasiput.

Jeremias 40:6

Linma ak ya akiayam ed kinen Gedalias diad Mizpa tan akilimug-limug ak ed saray totoon atilak ed dalin na Juda.

Jeremias 40:7

Wala ray pigaran ag sinmukon opisyal tan sondalo na Juda. Nadngelan da a say ari na Babilonia et ginawa ton gobirnador na dalin si Gedalias a lakin anak nen Ahicam tan impasen ton makaoley ed amin da ray ag niakar a priso ed Babilonia, salanti saray sankamairapay bilay ed dalin.

Jeremias 41:1

Nen kumapiton bulan, si Ismael a lakin anak nen Natanias tan apo nen Elisama, tan sakey a kabyangay pamilya na ari, linmad Mizpa a kaiba to ray samploran lalaki, ta nengnengen day Gobirnador Gedalias. Nen wala rad Mizpa tan mandorongo ra,