Jeremias 38:5 - Maung A Balita Biblia

⁵ Inmebat si Ari Sedekias, “No ontan sirin, gawa yod sikatoy labay yo; ag ta kayo nayarin sebelan.”

Maung a Balita Biblia

⁵ Inmebat si Ari Sedekias, No ontan sirin, gawa yod sikatoy labay yo; ag ta kayo nayarin sebelan.

Jeremias 38:5 Iomraidhean Croise

2 Samuel 19:22

Balet inkuanen David ed saray sanagin Abisai tan Joab, “Siopay anepet ed sikayo no antoy nepeg a gawaen? Labay yon itdan ak na gunigon? Siak la natan so ari na Israel; anggapoy Israelitan napatey natan ed sayan agew.”

2 Samuel 3:39

Anggan sakey ak ya arin pinili na Dios, makapkapoy ak ed sayan agew. Ag ko nayariay inkaruksa da ra yan lalakin anak nen Sarvia! Dusaen komun na Katawan ira yan kriminal onung ed kanepegan da!”

Probirbio 29:25

Maatap so bilay mo no pibabalian mo so nununoten na saray totoon nipaakar ed sika, balet arawi kad kaatapan no manmatalek kad Katawan.

Jeremias 26:14

No para say siak, wala ak ed silong na pakayari yo! Gawa yod siak labat so antokaman ya amta yon kaptekan tan kamaungan.

Jeremias 37:17

Insan impaawit ak nen Ari Sedekias, tan maamut ton tinepet ed siak diman ed palasio, “Walay papaibaga na Katawan?” Inmebat ak, “Wala! Nipalima kad ari na Babilonia.”

Daniel 6:16

Kanyan ingganggan na ari ya erelen si Daniel tan ibontuk ed maawang ya abut a kawalaan da ray lion. Inkuantod kinen Daniel, “Iyagel ka komun na Dios a matoor mon panlilingkuran.”

Daniel 6:17

Niiyan ed samay sangab na abut so baleg a bato tan say ari intimbri tod samay bato so dilin timbri to tan say timbri na saramay manonan opisyal to, pian anggapoy makapangyagel ed kinen Daniel.

1 Samuel 15:24

“On, nankasalanan ak,” ebat nen Saul, “Ag ko inonur so ganggan na Katawan tan saray bilibilin mo. Antakot ak ed saray totook, kanyan ginawak iray labay da.

1 Samuel 29:9

Inmebat si Akis, “Tua tay imbagam. Ipapasen ta kan matoor a singa sakey ya anghil na Dios. Balet inkuan na saray arum a panguloy sondalo ya ag ka makapilad sikamin mibakal.