Jeremias 38:22 - Maung A Balita Biblia

²² Anengneng kod samay pasingayew ya amin da ray bibiin atilak ed palasio ed Juda et niyaakar la rad saray opisyal na ari na Babilonia. Dengel moy ibabaga ra legan dan oonla. ‘Say ari pinalikdo na saray malet a kakaaro to, naonur so labay da nen say labay to. Natan ta linmereg lad pitek so sali to, tinaynan la na saray kakaaro to.’”

Maung a Balita Biblia

²² Anengneng kod samay pasingayew ya amin da ray bibiin atilak ed palasio ed Juda et niyaakar la rad saray opisyal na ari na Babilonia. Dengel moy ibabaga ra legan dan oonla. Say ari pinalikdo na saray malet a kakaaro to, naonur so labay da nen say labay to. Natan ta linmereg lad pitek so sali to, tinaynan la na saray kakaaro to.

Jeremias 38:22 Iomraidhean Croise

Say Libro nen Job 6:15

Balet sikayo ran kakaarok, papalikdoen yo ak singa saray kolus a naekatan no anggapoy oran.

Saray Salmo 41:9

Anggan say sankaasinggeran a kaarok, samay pampipiaan kon maung, samay mimikan ed siak, et nantraidoran to ak.

Saray Salmo 69:14

Agwat mo ak pad pitek pian ag ak onlereg; iyagel mo ak pad saray kalaban ko, tan ipaliis mo ak pad aralem a danum.

Saray Salmo 69:2

onlelereg ak ed aralem a pitek tan anggapoy anawet a natoonan ko; wala ak ed aralem a danum, tan ngalngali ak la ipalner na saray daluyon.

Isaias 42:17

Amin da ray manmamatalek ed saray talintaoy diriyos ya ibabaga ran dios da iray imahin et napaabeba ra tan napelag irad kababaingan.”

Jeremias 13:21

Antoy ibagam no saray totoon abaloan mon kakaarom et dakepen tan oleyan da ka? Manirap kan singa biin manaanak.

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Jeremias 27:14

Ag yo dedengelen iray propitan mangibabaga ya ag yo nepeg a panlingkuray ari na Babilonia. Papalikdoen da kayo labat.

Jeremias 27:15

Say dilin Katawan so angibaga ya ag to ra imbaki tan diad ngaran to titilaan da kayo. Kanyan sirin, pataynanen to kayo tan napatey kayo, sikayo tan saray propitan mantitilad sikayo.”

Jeremias 38:19

Balet inmebat si Ari Sedekias, “Antakot ak ed saray Judion akigampid saray taga Babilonia. Ompan siak so nipalimad sikara et pairapen da ak.”

Jeremias 38:21

Balet diad sakey a pasingayew impaamtad siak na Katawan so nagawad sika no ag ka onsuko.

Jeremias 41:10

Insan dinakep nen Ismael iray bibiin anak na ari tan saray arum a totoo ed Mizpa a sikaray impalima nen Nebuzaradan a pangulo da ray sondalo na Babilonia ed kinen Gedalias. Inala nen Ismael iran priso, insan da ginapwan so amaarap ed dalin na Ammon.

Jeremias 43:6

saray lalaki, saray bibii, saray anak, tan saray bibiin anak na ari. Inala ray amin ya intilak nen Nebuzaradan a pangulo na saray sondalo na Babilonia diad panagasikaso nen Gedalias; akapila diay Baruc tan siak.

Jeremias 46:21

Anggan saray uupaan to ran sondalo et singa ra bakan anggapoy nitulong. Ag ira inmalagey a linmaban; pinmoliktar iran amin tan batik ira. Sinmabiy agew na pakadusa ra, say oras na kaderal da.

Jeremias 46:5

“Balet antoy nanenengneng ko?” tepet na Katawan. “Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Jeremias 6:12

Niiter ed saray arum iray kaabungan da; ontan met ed saray kaalogan da tan saray kaasawaan da. Dusaen ko ray totoo ed sayan dalin.

Jeremias 8:10

Kanyan iter kod arum a lalaki so kaasawaan da, tan saray kaalogan da iter ko met ed saray arum ya akankien. Balang sakey, abeba may atagey so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Saray Tagleey 1:13

“Manlapud tagey angipelag na apoy tan pinoolan toy dalem ko. Pinatitan to ak, et nipatumba ak. Insan to ak inkaindan, tan tinaynan to ak a nanairapan.

Saray Tagleey 1:2

Mannangnangis lawas; managagos ed aping toy lua. Diad amin da ray angaaro ed sikato nen saman, anggapoy manligliwa ed sikato ya anggan sakey ed sikara. Nantraidoran na saray kagampi to tan kalaban to ran amin natan.

Saray Tagleey 5:11

Diad dilin Palandey na Sion apasoot iray kaasawaan mi; diad saray bario na Juda nalnalay inkabii da ray mamarikit mi.

Mikias 7:5

Ag yo sisigsiaen so kaabay yo odino panmamatalkan so kaaro yo. Alwaran yoy ibabagayo ed anggan dilin asawa yo.