Jeremias 38:21 - Maung A Balita Biblia

²¹ Balet diad sakey a pasingayew impaamtad siak na Katawan so nagawad sika no ag ka onsuko.

Maung a Balita Biblia

²¹ Balet diad sakey a pasingayew impaamtad siak na Katawan so nagawad sika no ag ka onsuko.

Jeremias 38:21 Iomraidhean Croise

2 Saray Awaran 36:12

Nanggagawa na kaogsan ed arap na Katawan, tan ag dinmengel a sipapabeba ed kinen propita Jeremias ya angibawag na salitay Katawan.

Say Libro nen Job 23:13

Sikatoy ag balut mangoman. Anggapoy makasumlang ed sikato odino makabaat ed labay ton gawaen.

Say Libro nen Job 34:33

Bangta ipopolisay moy gagawaen na Dios, naalagar mo ta a gawaen toy labay mon pagawa? Sika so mampili, aliwan siak; ibagam natan no antoy walad kanunotan mo.

Exodo 16:28

Insan say Katawan kuantod kinen Moises, “Kapigan mangangga so isusumlang na saray totoo ed saray ganggan ko?

Jeremias 26:15

Balet onyay andi-duaruwan nagawa: no pateyen yo ak, sikayo tan saray totood sayan siudad et mankasalanan lapud impamatey yod toon anggapoy kasalanan, ta say Katawan so angibakid siak ya iter kod sikayo yan pasakbay.”

Jeremias 38:20

Inkuankod sikato, “Ag ka nipalimad sikara. Kerewen kod sika ya onur moy salitay Katawan onung na imbagak lad sika; diad ontan maung so pansumpalan mo. Nipaliis kad patey.

Jeremias 38:22

Anengneng kod samay pasingayew ya amin da ray bibiin atilak ed palasio ed Juda et niyaakar la rad saray opisyal na ari na Babilonia. Dengel moy ibabaga ra legan dan oonla. ‘Say ari pinalikdo na saray malet a kakaaro to, naonur so labay da nen say labay to. Natan ta linmereg lad pitek so sali to, tinaynan la na saray kakaaro to.’”

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Ezekiel 2:7

Ibagam ed sikaray amin a salitaen mo, dengelen da ka man odino andi. Nudnunot mon ontan lay isusumpa rad siak.

Saray Bilang 24:13

anggan iter mod siak iray amin a pilak tan balituk na palasiom, ag kon balut nayarian a sumlangen so ganggan na Katawan diad pangonur kod labay kon dili. Salitaen ko labat so labay na Katawan a paibagad siak.”

Saray Gawgawa 18:6

Nen ginapoan dan sumlangen tan paogesen, impagpag toy dabuk a walad kawes to tan inkuanto, “No ag kayo nilaban, sikayo lay natetel, aliwan siak! Manlapud natan, saray Hintil so laen ko a pulongan.”

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!