Jeremias 38:2 - Maung A Balita Biblia

² a say Katawan inkuanto, “Ompatey ed bakal, odino eras, odino salot so siopaman a manayam ed dalem na siudad. Balet ag napatey so siopaman ya ompaway ed siudad ta onsukod saray taga Babilonia; nipaliis ed patey tan mambilay.”

Maung a Balita Biblia

² a say Katawan inkuanto, Ompatey ed bakal, odino eras, odino salot so siopaman a manayam ed dalem na siudad. Balet ag napatey so siopaman ya ompaway ed siudad ta onsukod saray taga Babilonia; nipaliis ed patey tan mambilay.

Jeremias 38:2 Iomraidhean Croise

Jeremias 21:4

ya ibaga rad kinen Sedekias a say Katawan a Dios na Israel kuanto, “Sedekias, taloen ko ray sondalom a pilalabanen mo sumpad ari na Babilonia tan saray sondalo to. Ibunton kod pegley na siudad iray armas yo.

Jeremias 24:8

“No panon a sarayan aliwaliwan bungay igos et ag nayari ran kanen, ontan met so gawaen ko, siak a Katawan, ed kinen Ari Sedekias na Juda, saray katambayan tod oley, tan saray arum a totood Jerusalem ya atilak ed sayan dalin odino batik ed Egipto.

Jeremias 27:11

Balet no onsuko so sakey a bansa ed ari na Babilonia tan panlingkuran to, abuloyan kod satan a manayam ed dilin dalin to, dalusan to, tan panayaman to. Siak, say Katawan, so nansalita.”

Jeremias 27:13

Akin et ompatey kayod bakal, o diad salot? Sikato yay imbaga na Katawan a nagawa ed dinan man a bansan ag paoleyan ed ari na Babilonia.

Jeremias 29:16

Dengel yo so ibabagay Katawan nipaakar ed arin manoley a singa impanoley nen David, tan say nipaakar ed saray totood sayan siudad a sikaray kakanayon yon ag nipiolup ed sikayon adakep.

Jeremias 29:18

Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 39:18

Iyarawi ta kad kaatapan, tan ag ka napatey. Nipaliis kad patey lapud nanmatalek kad siak. Siak, say Katawan, so nansalita.”

Jeremias 42:17

Amin da ray talagan malabay a manayam ed Egipto ompatey ira ed bakal, o eras, o salot. Anggapod sikaray nakeraan a mabilay, anggapoy anggan sakey a makapaliis ed deral ya iyakar kod sikara.’

Jeremias 42:22

Kanyan sirin, tandaan yo ya: ompatey kayod bakal, odino eras, odino salot ed dalin a labay yon laen tan panayaman.”

Jeremias 44:13

Dusaen ko ra may manaayam ed Egipto a singa impanusak ed Jerusalem; dusaen ko ra diad panamegley na bakal, eras, tan salot.

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Ezekiel 6:11

Inkuan na Katawan a Dios, “Yesyes yo ray kalimaan yo! Ikarag-karag yo ray sali yo! Akis kayod ermen lapud amin da ray maoges tan makapaingungot a ginagawa na saray Israelita. Ompatey irad bakal o eras o salot.

Ezekiel 7:15

Peles lay laban ed saray dalan, tan wala lay salot tan eras ed kaabungan. Ompatey ed laban so siopaman a walad kaalogan; ompatey ed sakit tan eras so siopaman a walad siudad.