Jeremias 38:17 - Maung A Balita Biblia

¹⁷ Insan ko imbagad kinen Sedekias a say Katawan a Makapanyarin-amin a Dios na Israel inkuanto, “No onsuko kad ari na saray opisyal na Babilonia, nipaliis kad patey tan ag napoolan yan siudad. Sika tan say pamilyam et nipaliis ed patey.

Maung a Balita Biblia

¹⁷ Insan ko imbagad kinen Sedekias a say Katawan a Makapanyarin-amin a Dios na Israel inkuanto, No onsuko kad ari na saray opisyal na Babilonia, nipaliis kad patey tan ag napoolan yan siudad. Sika tan say pamilyam et nipaliis ed patey.

Jeremias 38:17 Iomraidhean Croise

Genesis 12:13

Walay maung, ibagam ed sikaran agi ta ka, pian ag da ak pateyen, no ag ingen asikasoen da ak lapud sika.”

2 Saray Arari 24:12

insan sinmukod saray taga Babilonia si Ari Joakin, si ina to, saray anak ton lalaki, saray opisyal to, tan saray opisyal na palasio.

2 Saray Arari 25:27

Nen taon a nagmaliw ya arid Babilonia si Evilmerodac, kinasian ton impaway ed prisowan si Joakin. Agawa ya nen kumaduamplo tan piton agew na kumatalomplo tan piton taon na inkadakep nen Joakin.

1 Saray Awaran 17:24

Nitanduro ka tan lawas ikuan na saray totoo, ‘Say Katawan a Makapanyarin-amin so Dios ed intiron Israel.’ Pansiansiaen moy nanarian ko.

Esdras 9:4

Inmirung ak diman a maerermen ya anggad oras na panangisaklang na bagat ed labi. Legan kon akayurong minokut ak na amin da ray totoon ataktakot lapud imbaga na Dios na Israel nipaakar ed saray kasalanan da ray pinmawil ed Jerusalem.

Say Libro nen Job 23:13

Sikatoy ag balut mangoman. Anggapoy makasumlang ed sikato odino makabaat ed labay ton gawaen.

Saray Salmo 80:14

Lingaw mo kami pa, O Dios a Makapanyarin-amin! Manlapud tawen osdungan mo kami pa; gala pa ta ilaban mo ray totoom!

Saray Salmo 80:7

Papawil mo kami pa, O Dios a Makapanyarin-amin! Ipanengneng mo pay panangasim ed sikami, et nilaban kami!

Jeremias 27:12

Onya met so inkuankod kinen Ari Sedekias na Juda, “Paoleyan kad ari na Babilonia. Manlingkur kad sikato tan saray totoo to, et mambilay ka.

Jeremias 27:17

Ag yo ra dedengelen! Paoleyan kayod ari ed Babilonia, et mambilay kayo! Akin et magmaliw a bontun na deral-deral yan siudad?

Jeremias 27:8

“Balet no walay bansa odino nanarian ya ag onsilong ed pakaoley nen Nabucodonosor tan ag ontoluk ed pakaoley to, dusaen ko itan a bansa diad panamegley na bakal, eras, tan salot, anggad sigput a napaderal kod sikato.

Jeremias 38:2

a say Katawan inkuanto, “Ompatey ed bakal, odino eras, odino salot so siopaman a manayam ed dalem na siudad. Balet ag napatey so siopaman ya ompaway ed siudad ta onsukod saray taga Babilonia; nipaliis ed patey tan mambilay.”

Jeremias 39:3

Nen adakep so Jerusalem, amin da ray atagey ya opisyal na ari na Babilonia dinmago ra tan angopisina rad Puirta na Pegley, a pati di Nergal Sarezer, Samgar Nebo, Sarsekim, tan sananey nin Nergal Sarezer.)

Jeremias 40:9

Inkuanen Gedalias ed sikara, “Isipasipan kod sikayo ya anggapoy nepeg yon takotan diad isuko yod saray taga Babilonia. Manayam kayod sayan dalin tan panlingkuran yoy ari na Babilonia, et maung so pansumpalan yo.

Jeremias 44:7

“Kanyan siak, say Katawan a Makapanyarin-amin a Dios na Israel, tetepeten kod sikayo natan no akin et gagawaen yod sikayon dili ira yan kaogsan. Labay yon onsabiy deral ed saray lalaki, bibii, saray anak tan saray ogogaw, pian anggapoy nakeraan ed sikayo?

Ezekiel 8:4

Anengneng kod man so makalaram a liwawan mangipanengneng na kiwawalay Dios na Israel; sayan liwawa et singa samay liwawan anengneng ko nen wala ak ed abay na Ilog na Kebar.

Amos 5:27

no awiten ta kayon ibantak ed dalin a labas na Damasco,” kuay Katawan a say ngaran to et Makapanyarin-amin a Dios.