Jeremias 37:7 - Maung A Balita Biblia

⁷ “Onsasabin ontulong ed sika ray sondalon Egipsio, balet ompawil irad Egipto.

Maung a Balita Biblia

⁷ Onsasabin ontulong ed sika ray sondalon Egipsio, balet ompawil irad Egipto.

Jeremias 37:7 Iomraidhean Croise

2 Saray Arari 22:18

No nipaakar ed ari, siak, say Katawan a Dios na Israel, kuanko: Dinengel moy nisulat ed samay libro,

2 Saray Arari 24:7

Ag lan balut pinmaway ed Egipto so ari na Egipto tan saray sondalo to, lapud wala lad silong na pakaoley na ari na Babilonia iray amin a dalin a sakop na Egipto, manlapud Ilog na Eufrates ya anggad ketegan ed baybay na Egipto.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Isaias 30:7

Andikakanaan a tulong so iter na Egipto. Lapud saya pinangaranan koy Egipto na ‘Say Maamon Dragon.’”

Isaias 36:6

Iilaloan moy Egipton ontulong ed sika, balet saman a bansa et singa labat bastun a bulawit—napoter tan nasakitan niy limam. Onyay kapara na ari ed Egipto no walay siopaman a manmatalek ed sikato.’”

Jeremias 2:18

Antoy nagunggonam ed iyakar mod Egipto? Say pakainom moy danum na Ilog na Nilo? Antoy nagunggonam ed iyakar mod Asiria? Say pakainom moy danum na Ilog na Eufrates?

Jeremias 2:36

Nileglemew moy sikan dili diad insingger mod saray diriyos na arum a bansa. Dismayaen ka na Egipto a singa impanismayad sika na Asiria.

Jeremias 2:37

Ibeneg mon ibatikan so Egipto, tan diad kababaingan mo sakuban moy lupam. Siak, say Katawan, impolisay ko ray panmamatalkan mo; anggapoy nagunggonam ed sikara.”

Jeremias 21:1

Si Ari Sedekias na Juda imbaki tod siak si Pasur a lakin anak nen Malakias tan si Sofonias, say pari a lakin anak nen Maasias ta impakerew to;

Jeremias 21:2

“Isalitaan mo kami pa ed Katawan, ta babakalen kami nen Ari Nabucodonosor na Babilonia. Angangko manggawa para sikatayo na sakey ed saray milagro to, tan pasooten ton paseneren si Nabucodonosor.”

Jeremias 37:3

Si Ari Sedekias imbaki tod siak si Jucal a lakin anak nen Selemias tan say pari a si Sofonias a lakin anak nen Maasias, ta kerewen dan ipikasik ed Katawan a Dios tayo so bansa.

Jeremias 37:5

Pinmaway lad ketegan na Egipto iray sondalon Egipsio, et nen nadngelan ya na saray taga Babilonia ya onlalakob ed Jerusalem, sinmener ira.

Jeremias 37:6

Insan imbagad siak na Katawan a Dios na Israel ya ikuankod kinen Sedekias yan salita,

Saray Tagleey 1:7

Natan ta aderal-deral lay Jerusalem, nudnunoten toy kagalangan to nen saman. Anggapoy ontulong ed sikato nen sikatoy naplag ed lima da ray kalaban; Elek-elekan na saray anakep ed sikato lapud inkatalo to.

Saray Tagleey 4:17

Nananap kami lan nananap na tulong, balet anggapo met lamlamang. Nanalagar kami lan nanalagar na tulong na sakey a bansa, balet anggapo met lamlamang so nitulong to.

Ezekiel 17:17

Anggan saray makapanyarin sondalo na ari na Egipto et ag da nayarian a tulongan ya onlaban no saray taga Babilonia et manggawa ray bunton na dalin tan saray tirinsira, pian napatey da ray amayamay a totoo.

Ezekiel 29:16

Ag lan balut manmatalek ed tulong na Egipto so Israel. Say nagawad Egipto et mangipanunot ed Israel a baleg a lingo so manmatalek ed saray Egipsio. Naamtaan dad satan a siak so Katawan a Dios.”

Ezekiel 30:22

Natan sirin, sikato ya so ibabagak, siak a Katawan a Dios: Siak so kalaban na ari na Egipto. Poteren koy duaran taklay to—samay mabiskeg ni a taklay to tan samay apoter la—et napattak ed satan ed lima to so ispada.