Jeremias 37:20 - Maung A Balita Biblia

²⁰ Kanyan natan, Kagalang kon Ari, kerewen kod sika a dengel mo ak pa, tan iter moy kerewen ko. Ag mo ak pa la ipapawil ed prisowan diad abung nen Jonatan. Ta no ipawil mo ak, andi-saew ya ompatey ak lad man.”

Maung a Balita Biblia

²⁰ Kanyan natan, Kagalang kon Ari, kerewen kod sika a dengel mo ak pa, tan iter moy kerewen ko. Ag mo ak pa la ipapawil ed prisowan diad abung nen Jonatan. Ta ni ipawil mo ak, andi-saew ya ompatey ak lad man.

Jeremias 37:20 Iomraidhean Croise

Saray Salmo 119:170

Dengel mo pay pikakasik, tan ilaban mo ak pa, onung na insipan mo.

Jeremias 26:15

Balet onyay andi-duaruwan nagawa: no pateyen yo ak, sikayo tan saray totood sayan siudad et mankasalanan lapud impamatey yod toon anggapoy kasalanan, ta say Katawan so angibakid siak ya iter kod sikayo yan pasakbay.”

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 38:26

Ibagam labat ed sikara a kekerewen mod siak ya ag ta ka la papawilen ed prisowan a dimay pateyan mo.”

Jeremias 38:28

Nansiansia ak a nanayam ed patio na palasio anggad adakep so Jerusalem.

Jeremias 42:2

tan kuanda, “Gawam pay kerewen mid sika! Ipikasi mo kami pa ed Katawan a Dios tayo. Ipikasi mo kami pa ran atilak dian mabilay. Amayamay kami ni nen saman balet dagdaiset kami la natan, a singa nanenengneng mo.