Jeremias 37:2 - Maung A Balita Biblia

² Balet si Sedekias, saray opisyal to, tan saray totoo et ag ira inmonur ed saray salitan impaibagad siak na Katawan.

Maung a Balita Biblia

² Balet si Sedekias, saray opisyal to, tan saray totoo et ag ira inmonur ed saray salitan impaibagad siak na Katawan.

Jeremias 37:2 Iomraidhean Croise

2 Samuel 10:2

Inkuanen David, “Ipanengneng koy matoor a pikakaaro ed kinen Hanun, a singa ginawa nen ama ton Nahas ed siak.” Kanyan angibakiy David na saray mangibaga na pidadamay tod kinen Hanun. Nen sinmabid Amnon ira may imbaki;

2 Samuel 12:25

tan ingganggan toy Natan a ngaranan toy ogaw na Jedidia, ta inaro na Katawan.

1 Saray Arari 14:18

Inermenan na saray totood Israel, insan da imponpon, onung na imbaga na Katawan diad panamegley na aripen ton propita a si Ahias.

1 Saray Arari 16:7

Niiter ed panamegley nen propita Jehu a lakin anak nen Hanani so salita na Katawan sumpad kinen Baasa tan saray kabyangan na pamilya to, lapud saray kasalanan nen Baasa ed Katawan. Aliwa labat a say impanggagawa toy kaogsan, a singa say impanggagawa nen Jeroboam ya akaonan nanoley nen say sikato, so makasengeg na impamasnuk na Katawan, no ag ingen lapu met ed impamatey tod kinen Jeroboam tan amin kabyangan na pamilya to.

2 Saray Awaran 36:11

Duamplo tan sakey so taon nen Sedekias nen nagmaliw ya ari na Juda, tan nanoley ed Jerusalem na labinsakey taon.

Exodo 4:13

Balet inmebat si Moises, “Aliwan siak, Katawan, so ibakim. Say sananey pa lan too.”

Probirbio 26:6

No ibakim a mangyakar na balita so makulang-kulang, singa susugaten mo ray dilin salim; onkekerew ka na golo.

Probirbio 29:12

No dengelen na manoley so tilan balita, magmaliw a matila ya amin iray opisyal to.

Jeremias 34:2

Say Katawan, say Dios na Israel, imbaga tod siak ya onla ak ed kinen Ari Sedekias na Juda ta ikuanko yan salita to, “Siak, say Katawan, ipadakep ko yan siudad ed ari na Babilonia, tan poolan to.

Ezekiel 21:25

“Sikan maoges tan nisamba a manoley na Israel, onsasabi lay agew na kaonuran a pakadusam.

Oseas 12:10

“Akisalita ak ed saray propita tan impapanengneng kod sikaray amayamay a pasingayew, tan diad panamegley na saray propita pinapasakbayan ko ray totoo.

Levitico 8:36

Kanyan si Aaron tan saramay anak to sinumpal day amin ya ganggan na Katawan diad panamegley nen Moises.

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.