Jeremias 36:9 - Maung A Balita Biblia

⁹ Nen kumasiam a bulan na kumaliman taon na panaarid Juda nen Joakim, nanayuno iray totoo pian naala ray maung a linaway Katawan. Akibiang ed sayan ayuno iray amin a manaayam ed Jerusalem tan amin da ray linmad man a nanlapud saray baley na Juda.

Maung a Balita Biblia

⁹ Nen kumasiam a bulan na kumaliman taon na panaarid Juda nen Joakim, nanayuno iray totoo pian naala ray maung a linaway Katawan. Akibiang ed sayan ayuno iray amin a manaayam ed Jerusalem tan amin da ray linmad man a nanlapud saray baley na Juda.

Jeremias 36:9 Iomraidhean Croise

2 Saray Awaran 20:3

Ataktakot si Josafat kanyan kinerew ton iwanwan na Katawan. Insan to ingganggan a nagaway ayuno ed intiron bansa.

Nehemias 9:1

Diad kumaduamplo tan apat ya agew ed saman met lamlamang a bulan, nantitipon iray totoo ta nanayuno ra a pangipanengneng day ermen dad saray kasalanan da. Imbibiig da lay sikaran dili ed amin da ray sangkaili. Nankakawes iray sako tan iniinan day dabuk so kaolowan da a tanday ermen da. Nanalegey ira, insan da ginapwan ya impapatwa iray kasalanan da tan saray kasalanan da ray lalaki ra.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Jeremias 36:1

Nen kumapat a taon na panaarid Juda nen Joakim a lakin anak nen Josias, inkuan na Katawan ed siak,

Jeremias 36:22

Panaoy ambetel ed saman tan manyodyorung ed abay na apoy so ari diad loob na palasio ton para panaoy ambetel.

Jeremias 36:6

Kanyan sika lay onlad man no arapen a panayuno na saray totoo, tan maksil mon ibasa yan nilokut a babasaen, pian narengel day amin ya imbagad siak na Katawan, ya indiktak irad sika. Gawam ya ed pasen a narengel kay amin a totoo, pati saray totood Juda a sinmabin nanlapud saray baley da.

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Joel 1:14

Iganggan yon nagawa so sakey a panayuno; pantitipon yo ray totoo. Pantitipon yo ray pangulo tan amin da ray totood Juda. Pantitipon yo ra ed Timplo na Katawan a Dios yo tan tawag kayod sikato!

Jonas 3:5

Sinisia na saray totood Ninive so impaibalita na Dios. Kanyan nampapaknaan da a manayuno so balang sakey ed sikara, tan amin a totoo, manlapud sankatageyan ya anggad sankaabebaay kipapasen, et nansolung ira na sako a pangipanengneng da a nagbabawi ra.

Zacarias 8:19

“Say ayunon nagagawa kapag kumapat, kumalima, kumapito tan kumaplon bulan et magmaliw a pista na liket tan gayagan para saray totood Juda. Nepeg yon aroen so katwaan tan kareenan.”

Saray Huis 20:26

Insan amin da ray Israelita linma rad Betel tan nanermen ira. Nanirung irad man ed arap na Katawan tan ag iran balut angan anggad labi. Angisaklang ira na saray bagat a popoolan tan saray bagat a para kareenan—insaklang da ra yan amin ed arap na Katawan.

1 Samuel 7:6

Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, “Nankasalanan kamid Katawan.” (Diad Mizpa so nansintinsiaan nen Samuel ed saray kolkolan da ray Israelita.)