Jeremias 36:7 - Maung A Balita Biblia

⁷ Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Maung a Balita Biblia

⁷ Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.

Jeremias 36:7 Iomraidhean Croise

2 Saray Arari 22:13

“Laka yo, ta ipanonan yo ak ed Katawan, tan amin a totood Juda nipaakar ed saray bangat na sayan libro. Mamapasnuk so Katawan ed sikatayo, lapud ag ginawa na saray lalaki tayo iray ibabaga na sayan libro.”

2 Saray Arari 22:17

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, tan ag ombetel.

2 Saray Awaran 34:21

“Lakayo ta ipanonan yo ak ed Katawan tan amin iray totoon atilak nin manaayam ed Juda tan Israel. Amtaen yo so nipaakar ed saray bangat na sayan libro. Mamapasnuk so Katawan ed sikatayo, lapud ag inonur na saray lalaki tayo so salita na Katawan tan ag da ginawa so ibabaga na sayan libro.”

Jeremias 1:3

Akisalita lamet ed sikato so Katawan nen arid Juda si Joakim a lakin anak nen Josias. Kayari to ya, amimpiga-pigan akisalitay Katawan ed sikato anggad kumalabinsakey na panaari nen Sedekias a lakin anak nen Josias. Nen kumaliman bulan ed saman a taon, saray totood Jerusalem et nibantak irad arum a bansa.

Jeremias 16:10

“No ibagam ed saray totoo ira yan bengatla, tepeten dad sika no akin et ginetmak lan dusaen ira a mapalalo. Tepeten da no antoy kaogsan da tan no antoy kasalanan da ed Katawan a Dios da.

Jeremias 19:15

a say Katawan a Makapanyarin-amin a Dios na Israel et inkuanto, “Iyakar ko lad sayan siudad tan diad amin a kaliber-liber to ran baley iray amin a dusan imbagak a gawaen ko, lapud anawet so puso yo tan ag kayo ondengel ed ibabagak.”

Jeremias 21:5

Siak a dili so onlaban ed sikayo diad intiron biskeg ko, pasnuk ko, petang na olok, tan sanuk ko.

Jeremias 25:5

Imbabaga rad sikayo a benegan yo ray maoges a panagbilay yo tan kaindanan yo ray maoges a gagawaen yo, pian nayarian yoy manayam ya ando lan ando ed dalin ya inter na Katawan ed sikayo tan saray lalaki yo.

Jeremias 26:3

Ag la pigan ondengel iray totoo tan ikaindan day maoges a panagbilay da. No onyay gawaen da, mangoman ak ed kanunotan nipaakar ed ginetmak lan panderal ed sikara lapud saray maoges a gawgawa ra.”

Jeremias 36:3

Angangko no narengel na saray totood Juda iray amin a deral a getmak ya iyakar ed sikara, ikaindan day maoges a kabibilay da. Pirdonaen kod satan iray kaogsan tan saray kasalanan da.”

Jeremias 37:20

Kanyan natan, Kagalang kon Ari, kerewen kod sika a dengel mo ak pa, tan iter moy kerewen ko. Ag mo ak pa la ipapawil ed prisowan diad abung nen Jonatan. Ta no ipawil mo ak, andi-saew ya ompatey ak lad man.”

Jeremias 4:4

Toor yoy impisipanan yod siak a Katawan yo, tan isaklang yoy sikayon dili ed siak, sikayo ran totood Juda tan Jerusalem. No ag yo tooren, ondalang a singa apoy so pasnuk ko, lapud saray kaogsan a ginawa yo. Ondalang, et anggapoy makaerep.”

Jeremias 42:2

tan kuanda, “Gawam pay kerewen mid sika! Ipikasi mo kami pa ed Katawan a Dios tayo. Ipikasi mo kami pa ran atilak dian mabilay. Amayamay kami ni nen saman balet dagdaiset kami la natan, a singa nanenengneng mo.

Saray Tagleey 4:11

Impelag na Katawan so intiron biskeg na petang na olo to; pinoolan to ya anggad dalin so siudad na Sion.

Ezekiel 12:3

“Natan, sika a toon ompatey, mambalkut kan singa gagawaen da ray adakep a nibantak tan laka la legan ya agew ni. Ipanengneng mod balang sakey ya ontataynan ka ya onlad arum a pasen. Angangko, naimano ka na saraman a mananumlang.

Ezekiel 13:13

Natan saya so kuan na Katawan a Dios: “Diad pasnuk ko mangisiplug ak na mabiskeg a dagem, mangipelag ak na maples ya oran, tan say yilon oran a maneral ed samay padir.

Ezekiel 20:33

“Legan a siak so mabilay a Katawan a Dios, papasakbayan ta kayo a diad gaway pasnuk ko, oleyan ta kayod biskeg na taklay ko diad intiron pakayarik.

Ezekiel 22:20

a singa pangyan ed palbaan na pilak, gansa, balatyang, ismay, tan lata. Tonawen ira na pasnuk tan sanuk ko a singa panonaw na apoy ed gansa.

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Daniel 9:13

tan inter mod sikami iray amin a dusan nisulat ed Ganggan nen Moises. Balet anggad natan, O Katawan a Dios mi, ag mi ni gagawaen so pamaliket mid sika diad pangibeneg ed saray kasalanan mi odino pangonur ed katwaan mo.

Daniel 9:18

Dengel mo kami pa, O Dios; nengneng mo kami tan imanom so gunigon mi tan say paniirap na siudad ya atawag ed ngaran mo. Mampipikasi kamid sika, aliwan lapud matonung kami no ag ingen lapud mapangasi ka.

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Joel 2:12

“Balet anggan natan,” kuay Katawan! “masimoon kayon magbabawi tan pawil kayod siak a manaayuno, mannangnangis, tan maneermen kayo.

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Jonas 3:8

Amin a too tan amin ya ayayep et nepeg a mansolung na sako. Balang too nepeg a benegan to la ray amin a maoges a kagagawa to tan amin a kaogsan a gagawaen to.

Zacarias 1:4

Ag yo aaligen iray lalaki yo. Nen saman saray propita sinalita ra so impaikuankod saray totoo a magbabawi rad saray kaogsan da. Balet ag ira dinmengel odino inmonur ed siak.

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.