Jeremias 36:14 - Maung A Balita Biblia

¹⁴ Insan imbaki na saray opisyal si Jehudi, (a lakin anak nen Netanias, ya apo nen Selemias, tan apod pueg nen Cusi) ta ibaga tod Baruc ya awiten tod sikara imay nilokut a babasaen ya imbasa tod saray totoo. Inyakar nen Baruc ed sikara a sankaawit to may nilokut a babasaen.

Maung a Balita Biblia

¹⁴ Insan imbaki na saray opisyal si Jehudi, (a lakin anak nen Netanias, ya apo nen Selemias, tan apod pueg nen Cusi) ta ibaga tod Baruc ya awiten tod sikara imay nilokut a babasaen ya imbasa tod saray totoo. Inyakar nen Baruc ed sikara a sankaawit to may nilokut a babasaen.

Jeremias 36:14 Iomraidhean Croise

2 Saray Arari 25:23

Nen nadngelan ya na saray opisyal tan saray sondalon ag sinmuko, akitipon irad kinen Gedalias diad Mizpa. Sarayan opisyal et di Ismael a lakin anak nen Netanias, Johanan a lakin anak nen Karea, Seraya a lakin anak nen Tanhumet a taga baley na Netofa, tan Jaazanias a taga Maaca.

Jeremias 36:2

“Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.

Jeremias 36:21

Insan say ari impaala tod kinen Jehudi imay nilokut a babasaen tan binasa tod ari tan saray amin ya opisyal a manalalagey ed kaliber-liber to.

Jeremias 36:4

Kanyan tinawag koy Baruc a lakin anak nen Nerias, tan indiktak ed sikato ya amin iray imbaga na Katawan ed siak. Insulat iran amin nen Baruc diad sakey a nilokut a papil.

Jeremias 40:8

Kanyan nila ra si Gedalias ed Mizpa. Saray linma et di Ismael a lakin anak nen Natanias, Johanan a lakin anak nen Carea, Seraya a lakin anak nen Tanhumat, saray lalakin anak nen Efai a taga Metofat, tan Jezanias a taga Maaca.

Jeremias 41:16

Si Johanan sirin tan saramay kakaiba ton pangulo na sondalo et inaasikaso da ra may sondalo, bibii, anak, tan saray yunuko ya inaalan priso nen Ismael ed Mizpa kayari ton pinatey si Gedalias.

Jeremias 41:18

pian nibatikan da ray taga Babilonia, ta antakot da ra lapud samay impamatey nen Ismael ed kinen Gedalias a ginawa na ari na Babilonia a gobirnador na dalin.

Sofonias 1:1

Sikato yay salita ya inter na Katawan ed kinen Sofonias legan na panaon ya arid Juda si Josias a lakin anak nen Amon. (Si Sofonias et anak nen Cusi tan apo nen Gedalias. Si Gedalias et anak nen Amarias tan si Amarias anak nen Ari Ezekias.)

Mateo 10:16

“Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.