Jeremias 35:6 - Maung A Balita Biblia

⁶ Balet inmebat ira, “Ag kami oniinom na alak. Si laki min Jonadab ya anak nen Recab imbaga to a sikami tan saray kabyangay boleg mi et ag kamin balut oninom na alak.

Maung a Balita Biblia

⁶ Balet inmebat ira, Ag kami oniinom na alak. Si laki min Jonadab ya anak nen Recab imbaga to a sikami tan saray kabyangay boleg mi et ag kamin balut oninom na alak.

Jeremias 35:6 Iomraidhean Croise

Genesis 25:27

Binmaleg ira may ogogaw. Nagmaliw a marunong ya umaanup si Esau tan maliket ya ompaway-paway ed kalawakan; mareen balet si Jacob tan maliket a manayam ed abung.

Genesis 36:7

Tinmaynan lapud kulang lay taganon niiter na dalin a panaayaman da nen Jacob; dakerakel iray ayayep da, kanyan ag la ra nayarin manayam ed sakey a pasen.

2 Saray Arari 10:15

Intuloy nen Jehu so panaakar to, tan diad dalan nabet nen Jonadab a lakin anak nen Recab. Imbano nen Jehu tan kuanto, “Sika tan siak et namparay kanunotan ta. Antoy kuanmo, tulongan mo ak?” “On, tulongan ta ka,” ebat nen Jonadab. “Iderew mod siak sirin so limam,” ebat nen Jehu. Nambenbenan iray lima, insan tinulongan nen Jehu ed inlogan tod karwahi,

2 Saray Arari 10:23

Kayari to ya, kaiba nen Jehu a linmoob ed timplo si Jonadab a lakin anak nen Recab, insan kuantod saray totoo, “Apiapiger yo a saray manangigalang ed Baal labat iray wadya; anggapo komuy akaloob ya anggan sakey a manangigalang ed Katawan.”

1 Saray Awaran 16:19

Pigpigara nen saman iray totoo na Dios, tan sangkaili rad dalin na Canaan.

1 Saray Awaran 2:55

Manaayam ed baley na Jabes iray onggendan a boleg a marunong a mansulat tan mansakal na saray kasulatan: saray Tirateo, Simateo, tan Sucateo. Sikara yay Cineo ya akiasawa tan anga-asawa ed saray Recabita.)

Saray Salmo 105:12

Pigpigara nen saman iray totoo na Dios, tan sangkaili rad dalin na Canaan.

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Jeremias 35:14

Inonur na saray kabyangay boleg nen Jonadab so ganggan to ya ag ira oninom na alak, tan anggad natan anggapod sikaray oniinom na alak. Siak balet, ag yo ak oonuren anggaman ya ag ak ontotondan misasalitad sikayo.

Levitico 10:9

“Sika tan saray lalakin anak mo et ag nepeg ya onloob ed Tuldan Ayaman ko kayari yon oninom na alak odino arum nin mabayanin inomen, ta no gawaen yo ya, ompatey kayo. Sikato ya so sakey a ganggan a nepeg a sumpalen na amin a kabyangay boleg mo.

Lucas 1:15

Ta magmaliw a matalonggaring yan too ed arap na Dios. Ag oninom na alak o antokaman a makabuek. Napano la na Ispiritu Santo ya anggan wala nid eges nen ina to.

1 Pedro 2:11

Inararok, lapud sangkaili kayon mimiayam labat ed sayan mundo, kekerewen kod sikayo ya ibeneg yo la ray maoges a pilalek na laman a milalaban ed kamarerwa.

Saray Huis 13:14

Ag to nepeg so mangan na antokaman a manlapud sengeg na ubas; ag to nepeg so oninom na anton klasiy alak odino mangan na antokaman a kakanen a sebel. Nepeg ton gawaen so antokaman ya imbagak ed sikato.”

Saray Huis 13:7

Balet imbaga tod siak a manlokun ak tan mananak ak na sakey a laki. Imbaga to nid siak ya ag ak balut oninom na anton klasiy alak odino mangan na antokaman a kakanen a sebel, lapud legan a mambilay so iyanak ko sikatoy isaklang ed Dios a sakey a Nazareo.”