Jeremias 35:4 - Maung A Balita Biblia

⁴ insan intagar ko rad Timplo. Inyakar ko rad kuarto na saray disipulo nen propita Hanan a lakin anak nen Igdalias. Sayan kuarto et walad tagey na kuarto nen Maasias a lakin anak nen Sallum, sakey a manonan opisyal na Timplo. Asingger met yan kuarto ed saray kuarto na saray arum ya opisyal.

Maung a Balita Biblia

⁴ insan intagar ko rad Timplo. Inyakar ko rad kuarto na saray disipulo nen propita Hanan a lakin anak nen Igdalias. Sayan kuarto et walad tagey na kuarto nen Maasias a lakin anak nen Sallum, sakey a manonan opisyal na Timplo. Asingger met yan kuarto ed saray kuarto na saray arum ya opisyal.

Jeremias 35:4 Iomraidhean Croise

1 Saray Arari 12:22

Balet imbaga na Dios ed kinen propita Semaya

1 Saray Arari 13:1

Lapud ganggan na Katawan, linmad Betel a nanlapud Juda so sakey a propita tan asabian ton manalalagey ed abay na altar si Jeroboam a mangibabagat.

1 Saray Arari 13:26

Nen nadngelan na samay masiken a propita, inkuanto, “Bangkay iman na samay propitan ag to inonur so ganggan na Katawan! Ag tinmoluk kanyan angibakiy Katawan na lion ya amatey ed sikato, onung na imbaga na Katawan a gawaen to.”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

1 Saray Arari 17:24

Inmebat imay balo, “Amtak la natan a sakey kan too na Dios, tan tuan mansasalitay Katawan diad panamegley mo!”

1 Saray Arari 20:28

Walay sakey a propita a linmad kinen Ari Acab tan kuanto, “Ibabagay Katawan: ‘Lapud ibabaga na saray Siriano a dios ak na saray palandey, aliwan dios na saray patar, panaloen ta kad saray amayamay a sondalo ra, et nabirbir mo tan saray totoom a siak so Katawan.’”

2 Saray Arari 1:9

Insan angibaki na opisyal to tan limamplon lalaki, ta erelen day Elias. Arumog na samay opisyal si Elias a manyodyorung ed toktok na sakey a pokdul, tan kuantod sikato, “Too na Dios, ingganggan na ari ya onakseb ka.”

2 Saray Arari 12:9

Insan angala na kahon si Joiada, binotawan tod tapew, tan inyan tod abay na altar, diad nikawanan no kaloob ed Timplo. Saray paparin nipasen ed lolooban na Timplo ipelag dad kahon iray amin a kuartan inter na saray manangigalang.

2 Saray Arari 25:18

Si Nebuzaradan, say pangulo na saray sondalon taga Babilonia et inala to met a priso ira di Seraya a Pangulon Pari, Sofonias ya onkumadwad Pangulon Pari, tan saray talora nin manonan opisyal na Timplo.

2 Saray Arari 5:14

Linma sirin ed Jordan si Naaman, linmegep ya amimpito, onung na imbaga nen Eliseo, et sigput ya inmabig. Balibali so nagmaliway laman to tan singa baog na ogaw so baog to.

2 Saray Arari 5:20

nen si Giezi ya aripen nen Eliseo et inkuantod sikaton dili, “Ag impanbayar na amok si Naaman a Siriano. Inawat to komun imay iiter to. Diad ngaran na mabilay a Katawan, aboten ko, ta miala ak na antokaman ed sikato.”

2 Saray Arari 6:10

Kanyan pinasakbayan na arid Israel iray lalakin manaayam ed saman a pasen, et namparaan ira. Amimpiga yan agawa.

2 Saray Arari 7:17

Nibana a say ari impasen ton makaoley ed saray bantay na puirtay siudad imay opisyal ya angolup ed sikato. Agatin-gatinan na saray totoo imay opisyal, kanyan inatey, onung na impasakbay nen Eliseo nen nila na ari.

2 Saray Arari 7:2

Say opisyal ya angolup ed ari kuantod kinen Eliseo, “Ag itan nagawa—anggan mangipelag na oran a tampol so Katawan!” “Nanengneng mon nagawa, balet ag mo natawayan yan tagano,” ebat nen Eliseo.

1 Saray Awaran 9:27

Nanaayam irad abay na Timplo, ta kanepegan dan bantayan so Timplo tan lokasan iray puirta to kapag kabwasan.

2 Saray Awaran 8:14

Diad impangonur tod saray bilin na ama ton David, inoksuy to so inagew-agew a kimey da ray papari, tan saray Levita a tinmulong ed saray papari diad panagkanta na saray imno tan diad saray arum a kimey da. Impanggrugrupo to met iray guardiad Timplo diad impanbantay dad balang puirta, onung ed saray ganggan nen David a too na Dios.

Saray Salmo 84:10

Say sanagew a panayam ed Timplom et magmaung ni nen say sanlibon agew a panayam ed arum a pasen; labay ko niy manalagey ed puirtay abung na Dios ko, nen say manayam ed tulda na saray totoon maoges.

Jeremias 21:1

Si Ari Sedekias na Juda imbaki tod siak si Pasur a lakin anak nen Malakias tan si Sofonias, say pari a lakin anak nen Maasias ta impakerew to;

Jeremias 26:10

Nen saray pangulo na Juda nadngelan da no antoy agawa, nangganat iran linma ed Timplo manlapud palasio tan inmirung irad pasen da diad Balon Puirta.

Jeremias 35:3

Kanyan tinipon kon amin iray kabyangay boleg a Recabita—si Jaazanias (say lakin anak na sananey a Jeremias, a lakin anak nen Habasinias,) tan amin iray agagi tan anak ton lalaki—

Jeremias 52:24

Si Nebuzaradan a pangulo na saray sondalo na Babilonia inaala ton priso ira di Seraias a Pangulon Pari, Sofonias ya onkumadwad Pangulon Pari, tan talora nin manonan opisyal na Timplo.

Ezekiel 40:38

Diad patio ed paway walay paalagey ya akasiping ed dalan na puirtad dalem diad baybay a dapag. Akalokas ya ed lolooban a kuarto ya akaarap ed patio, tan dia da oorasan iray lamay ayayep ya ibagat dan popoolan.

Ezekiel 43:8

Saray arari inyabay dad puirta na Timplok so puirta na palasio ra, kanyan padir labat so nanleetan mi. Lapud saray makapaingungot a ginagawa ra, impelag dad kababaingan so masanton ngaran ko, kanyan diad gaway pasnuk ko dinederal ko ra.

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

2 Timoteo 3:17

pian say toon manlingkur ed Dios et magmaliw a manepenepeg tan sipaparaan a manggaway amin a kamaungan.

Josue 14:6

Aminsan ya agew wala ray totoon kabyangan na tribu nen Juda a linma rad kinen Josue diad Gilgal. Say sakey ed sikara a si Caleb, say lakin anak nen Jefone a Cenizeo, kuantod kinen Josue, “Amtam so imbaga na Katawan diad Cades-barnea ed kinen Moises a too na Dios nipaakar ed sika tan siak.

1 Samuel 2:27

Linmad kinen Eli so sakey a propita a nankuan, “Onyay papaibagay Katawan: ‘Nen si lakim ya Aaron tan say pamilya to et aripen iray ari na Egipto, impaamtak ed sikara so siak a dili.