Jeremias 35:2 - Maung A Balita Biblia

² “Lakad boleg na saray Recabita tan misalita kad sikara. Insan inyakar mo rad sakey ed saray kuarto na Timplo tan itdan mo ray alak.”

Maung a Balita Biblia

² Lakad boleg na saray Recabita tan misalita kad sikara. Insan inyakar mo rad sakey ed saray kuarto na Timplo tan itdan mo ray alak.

Jeremias 35:2 Iomraidhean Croise

1 Saray Arari 6:10

Nipapeg ed paway na saray padir ira may taloran gradon kakuartoan a say balang kuarto et duara tan kapalduan mitro so kaatagey to, tan nisoldung ira na saray sidron panuksolan.

1 Saray Arari 6:8

Walad abalaten a dapag na Timplo so lolooban na sankaleksaban a grado na saramay kuarto, tan dia met so kawalaay takayan a mamaarap ed kumadwa tan kumatlon grado.

1 Saray Awaran 2:55

Manaayam ed baley na Jabes iray onggendan a boleg a marunong a mansulat tan mansakal na saray kasulatan: saray Tirateo, Simateo, tan Sucateo. Sikara yay Cineo ya akiasawa tan anga-asawa ed saray Recabita.)

1 Saray Awaran 23:28

Saray kimey da et say itulong dad saray paparin kabyangay boleg nen Aaron diad panangigalang ed dalem na Timplo, say pangasikasod saray solar tan saray kuarto na Timplo, tan say pangimanon ag narotakan iray amin a bengatlan masanto.

1 Saray Awaran 28:12

Inter to met ed sikato iray plano na nununoten ton pakagawa ed saray solar tan saray kuartod kaliber-liber da, tan saray kuarton panagsinupan na saray kagawaan ed Timplo tan saray rigalon nisaklang ed Katawan.

1 Saray Awaran 9:26

Levita ra may apatiran pangulon guardia tan ag iran balut nasublayan. Makaoley met ira ed saray kuartod dalem na Timplo tan saray kayamanan a karga ra.

1 Saray Awaran 9:33

Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.

2 Saray Awaran 3:9

duamplon onsan balituk so nikana ed impanggawa na saray pasak. Inokupan met na balituk iray dingding na saray kuarton walad tagey.

2 Saray Awaran 31:11

Onung ed ganggan na ari, angiparaan ira na saray kuarton panagsinupan ed solar na Timplo,

Esdras 8:29

Asikaso yo ran maung anggad nasabi yoy Timplo. Diad loob da ray kuarto na papari, simbang yo rad arap da, insan yo ipalimad saray pangulo na saray papari tan saray Levita, tan diad saray pangulo da ray totood Israel a walad Jerusalem.”

Nehemias 13:5

Inabuloyan ton ikana nen Tobias so sakey a baleg a kuarto a nigana a pangisinupan labat na saray bagat a trigo tan insinso, saray kagawaan ya ikakanad Timplo, saray bagat a para saray papari, tan saray kakaplo na trigo, alak, tan larak na oliba a rigalod saray Levita, saray tumutogtog tan saray kumakantad Timplo, tan saray guardiad Timplo.

Jeremias 35:3

Kanyan tinipon kon amin iray kabyangay boleg a Recabita—si Jaazanias (say lakin anak na sananey a Jeremias, a lakin anak nen Habasinias,) tan amin iray agagi tan anak ton lalaki—

Jeremias 35:4

insan intagar ko rad Timplo. Inyakar ko rad kuarto na saray disipulo nen propita Hanan a lakin anak nen Igdalias. Sayan kuarto et walad tagey na kuarto nen Maasias a lakin anak nen Sallum, sakey a manonan opisyal na Timplo. Asingger met yan kuarto ed saray kuarto na saray arum ya opisyal.

Jeremias 35:8

Inonur mi ray amin a bilin ed sikami nen Jonadab. Ag kami oniinom na alak, anggan saray kaasawaan mi, saray lalakin anak mi, odino saray bibiin anak mi.

Ezekiel 40:16

Wala ray ankelag a bintana ed saray padir diad bandad paway na saramay kuarto tan ontan met ed saramay padir ed nanleleetan da. Wala ray nikortin kiew a palmira diad saray padir ya akaarap ed samay dalan.