Jeremias 35:19 - Maung A Balita Biblia

¹⁹ Lapud saya, siak, say Katawan a Makapanyarin-amin a Dios na Israel, isisipan ko a nawalaan lawas si Jonadab a lakin anak nen Recab na sakey a lakin kabyangay boleg to a manlingkur ed siak.”

Maung a Balita Biblia

¹⁹ Lapud saya, siak, say Katawan a Makapanyarin-amin a Dios na Israel, isisipan ko a nawalaan lawas si Jonadab a lakin anak nen Recab na sakey a lakin kabyangay boleg to a manlingkur ed siak.

Jeremias 35:19 Iomraidhean Croise

1 Saray Awaran 2:55

Manaayam ed baley na Jabes iray onggendan a boleg a marunong a mansulat tan mansakal na saray kasulatan: saray Tirateo, Simateo, tan Sucateo. Sikara yay Cineo ya akiasawa tan anga-asawa ed saray Recabita.)

Saray Salmo 5:5

Ag mo nitepel a nengnengen iray totoon mapaatagey; kabosul mo ray managgaway kaogsan.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 15:19

Say Katawan inmebat, “No ompawil ka, awaten ta ka, tan magmaliw kan aripen ko lamet. No mansalita kay makana-kana, aliwan say andi-kakanaan, magmaliw kan propitak lamet. Ompawil ed sika iray totoo, tan ag nakaukolan ya onla kad sikara.

Jeremias 40:10

Manayam ak ed Mizpa tan siak so mangilaman ed sikayo no onla ra diay taga Babilonia. Balet sikayo nayarian yoy manala tan mangisinup na alak, bunga na saray tanaman, tan say larak na oliba. Nayarian yoy manayam ed saray barion asakop yo.”

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to—