Jeremias 35:14 - Maung A Balita Biblia

¹⁴ Inonur na saray kabyangay boleg nen Jonadab so ganggan to ya ag ira oninom na alak, tan anggad natan anggapod sikaray oniinom na alak. Siak balet, ag yo ak oonuren anggaman ya ag ak ontotondan misasalitad sikayo.

Maung a Balita Biblia

¹⁴ Inonur na saray kabyangay boleg nen Jonadab so ganggan to ya ag ira oninom na alak, tan anggad natan anggapod sikaray oniinom na alak. Siak balet, ag yo ak oonuren anggaman ya ag ak ontotondan misasalitad sikayo.

Jeremias 35:14 Iomraidhean Croise

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Nehemias 9:30

Piga-pigay taon ya inanosan mo ran pinapasakbayan. Impansasalitam iray propitam, balet nantelek-telekan iray totoom, kanyan inyabuloy mon nadakep na saray arum a bansa.

Isaias 30:9

Sikaray totoon onsusumlang lawas ed Dios, matila ra lawas, tan ag da labay lawas so ondengel ed saray bangat na Katawan.

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Jeremias 11:7

Nen impaway ko ed Egipto iray lalaki ra, masimoon ko ran pinasakbayan ya onuren da ak. Insan ko intutuloy a pinapasakbayan iray totoo ya anggad natan.

Jeremias 26:5

Nepeg yon dengelen iray salita na saray aripen kon propita ya imbabakik ed sikayo. Ag yo nin balut inonur iray imbabaga rad sikayo.

Jeremias 29:19

Onyay nagawad sikara, lapud ag da inonur iray salitak ya impapaibagak ed sikara diad panamegley da ray propitan aripen ko. Ag ira dinmengel.

Jeremias 32:33

Imbeneg da ak; anggaman ya intutuloy koy pambangat ed sikara, ag ira ondengel tan makaaral.

Jeremias 35:16

Saray kabyangay boleg nen Jonadab inonur day ganggan na laki ra, balet sikayon totoo ag yo ak inonur.

Jeremias 35:6

Balet inmebat ira, “Ag kami oniinom na alak. Si laki min Jonadab ya anak nen Recab imbaga to a sikami tan saray kabyangay boleg mi et ag kamin balut oninom na alak.

Jeremias 7:13

Ginagawa yo ra yay kasalanan a binitlak. Anggaman ya akisalita ak ed sikayon amimpiga-piga, ag kayo dinmengel. Ag kayo inmebat nen tinawag ta kayo.