Jeremias 34:3 - Maung A Balita Biblia

³ Ag ka makabatik; nadakep ka tan nipalima kad sikato. Napilupaan mo tan napitongtongan mo yan ari; insan ka onlad Babilonia.

Maung a Balita Biblia

³ Ag ka makabatik; nadakep ka tan nipalima kad sikato. Napilupaan mo tan napitongtongan mo yan ari; insan ka onlad Babilonia.

Jeremias 34:3 Iomraidhean Croise

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 27:22

Naala rad Babilonia tan mansiansia rad man ya anggad agew a limengen ko ra. Alaen ko rad satan tan ipawil ko rad sayan pasen. Siak, say Katawan, so nansalita.”

Jeremias 32:28

Kanyan sirin, iter ko yan siudad ed Ari Nabucodonosor na Babilonia tan saray sondalo to, tan dakepen da,

Jeremias 32:3

Impriso ak diman nen Ari Sedekias tan inakusa to ak ya imbawag kon say Katawan kuanto, “Ipadakep ko yan siudad ed ari na Babilonia,

Jeremias 32:4

tan ag makabatik si Ari Sedekias. Niawat ed ari na Babilonia; napilupaan to tan napitongtongan ton dili.

Jeremias 34:21

Ipadakep ko met si Ari Sedekias na Juda tan saray opisyal to ed saray malabay a mamatey ed sikara. Ipadakep ko rad saray sondalo na Babilonia a tinmonda la ran ondodogpa ed sikayo.

Jeremias 34:4

Sedekias, dengel moy ibabagak nipaakar ed sika. Ag ka napatey ed bakal.

Jeremias 37:17

Insan impaawit ak nen Ari Sedekias, tan maamut ton tinepet ed siak diman ed palasio, “Walay papaibaga na Katawan?” Inmebat ak, “Wala! Nipalima kad ari na Babilonia.”

Jeremias 38:18

Balet no ag ka onsuko, nipalimad saray taga Babilonia yan siudad, poolan da, tan ag mo ra nibatikan.”

Jeremias 38:23

Insan inkuanko ni, “Amin da ray bibii tan saray anak mo et nipaway iran niakar ed saray taga Babilonia, tan ag mo ra nibatikan. Nadakep ka na ari na Babilonia, tan napoolan yan siudad.”

Ezekiel 12:13

Balet sabokulan kon erelen. Insan ko iyakar ed siudad na Babilonia a diman ompatey ya ag to nanengneng imay siudad.

Ezekiel 17:15

Balet say ari na Juda linmaban tan angibakid Egipto na saray totoo to, ta miala ray kabayo tan saray amayamay a sondalo. Manalo kasi? Diad panggawa tod satan, makabatik kasi? Ag kasi nadusa no sumlangen to may paknaan?

Ezekiel 17:16

Say Katawan a Dios kuanto, “Andi-duaruwa a siak so mabilay a Dios; ontan met ya andi-duaruwan ompatey ed Babilonia yan ari, lapud sinumlang toy samba to tan say impipakna to ed ari na Babilonia ya angipayorung ed sikatod trono.

Ezekiel 21:25

“Sikan maoges tan nisamba a manoley na Israel, onsasabi lay agew na kaonuran a pakadusam.