Jeremias 34:22 - Maung A Balita Biblia

²² Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Maung a Balita Biblia

²² Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.

Jeremias 34:22 Iomraidhean Croise

2 Samuel 16:11

Insan inkuanen David ed kinen Abisai tan saray amin ya opisyal to, “No say dilin anak ko et labay to ak a pateyen, ag kasi nagkalalo ed satan a Benjaminita? Imbaga na Katawan a manayew; kanyan paolyan yon gawaen to.

2 Saray Arari 25:6

Niakar si Sedekias ed kinen Ari Nabucodonosor a walad siudad na Ribla tan diman to sinintinsiaan si Sedekias.

2 Saray Arari 25:9

Pinoolan toy Timplo, say palasio, tan say kaabungan na amin da ray totoon atagey so kipapasen ed Jerusalem,

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Isaias 13:3

Tinawag na Katawan iray mapaatagey tan masebeg a sondalo to, ta milaban irad masanton bakal diad panusa rad saray pamapasnukan ton totoo.

Isaias 24:12

Aderal-deral lay siudad tan nigeba la ray puirta to.

Isaias 37:26

“Ag mo ta ni nadngelan ya abayag ko la yan ginetma? Sinumpal ko la ra ya natan. Initdan ta kay pakayarin napagmaliw mon bunton na deral-deral iray siudad ya aliber na padir.

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Isaias 64:10

Singa kabueran iray siudad mo; ataynan ya aderal-deral so Jerusalem,

Jeremias 2:15

Singa ra lion a nangwam ed sikato; makmaksil so pangwam da. Ginawa ran andi-kakanaan so dalin to; aderal-deral iray baley to, kanyan anggapo lay manaayam.

Jeremias 32:29

tan poolan da. Poolan da ray pati abung a nampopoolan na saray totoo na insinson bagat ed kinen Baal diad saray toktok na kaabungan tan nankakalboan da na alak a bagat ed saray diriyos. Diad sarayan abung saray totoo impanpasnuk da ak.

Jeremias 33:10

Inkuan na Katawan, “Ibabaga na saray totoo a sayan pasen et singa kalawakan ya anggapoy too o ayep a manaayam. Tuay ibabaga ra ya anggapoy kabaliksan iray baley na Juda tan saray dalan na Jerusalem; anggapoy manaayam a too o ayep ed sikara. Balet diad sarayan pasen narengel yo lamet

Jeremias 34:2

Say Katawan, say Dios na Israel, imbaga tod siak ya onla ak ed kinen Ari Sedekias na Juda ta ikuanko yan salita to, “Siak, say Katawan, ipadakep ko yan siudad ed ari na Babilonia, tan poolan to.

Jeremias 38:23

Insan inkuanko ni, “Amin da ray bibii tan saray anak mo et nipaway iran niakar ed saray taga Babilonia, tan ag mo ra nibatikan. Nadakep ka na ari na Babilonia, tan napoolan yan siudad.”

Jeremias 39:8

Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

Jeremias 4:7

Singa lion a manlalapud amutan ton pasen; say managderal na saray bansa et akaparaan la. Onsasabin maneral ed Juda. Naderal-deral iray siudad na Juda, anggapoy natilak a manayam ed sikara.

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Jeremias 50:13

Diad pasnuk ko anggapoy manayam ed Babilonia, ta magmaliw ya aderal-deral a siudad, tan natalagnaw tan nikelawan ya amin iray ondalan.

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Jeremias 52:7

abungaw na saray kalaban so padir na siudad. Anggaman a nilakob na saray taga Babilonia so siudad, akabatik ya amin iray sondalo na Juda legan na labi. Dinmalan irad tanamanan na ari insan ira dinmalan ed puirtan nanleetan na saray duaran padir tan batik iran amaarap ed Patar na Jordan.

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Mikias 7:13

Balet magmaliw a kabueran so mundo lapud saray maoges a gagawaen na saray totoon manaayam.

Zacarias 1:12

Insan samay anghil kuanto, “Katawan a Makapanyarin-amin, pitomploy taon lan mamapasnuk kad Jerusalem tan saray siudad na Juda. Kapigan kasiy pansamput na ag mo pangasi ed sikara?”

Zacarias 7:14

Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.”

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.