Jeremias 34:20 - Maung A Balita Biblia

²⁰ Ipadakep ko rad saray kalaban da a mampilalek a mamatey ed sikara, et kanen na saray manok tan saray ayayep ed katakelan iray bangkay da.

Maung a Balita Biblia

²⁰ Ipadakep ko rad saray kalaban da a mampilalek a mamatey ed sikara, et kanen na saray manok tan saray ayayep ed katakelan iray bangkay da.

Jeremias 34:20 Iomraidhean Croise

1 Saray Arari 14:11

Kanen na saray aso so siopaman ya ompatey ed siudad a kabyangay pamilyam, tan siraen na saray manok a buitri so siopaman ya ompatey ed maawang ya alog. Siak a Katawan so nansalita.’”

1 Saray Arari 16:4

Kanen na saray aso so angkay na siopaman a kabyangay pamilyam ya ompatey ed siudad, tan siraen na saray manok a buitri so bangkay na siopaman ya ompatey ed kaalogan!”

Saray Salmo 79:2

Impabwag dad saray manok a buitri iray bangkay na saray aripen mo, diad saray ayayep ed katakelan iray bangkay na saray totoom.

Jeremias 11:21

Labay na saray totood Anatot a pateyen da ak, kanyan imbaga rad siak a pateyen da ak no ituloy koy pampulong kod ngaran na Katawan.

Jeremias 12:9

Saray pinilik a totoo et singa ra sakey a manok a niliktub tan sinibar na saray baga. Padago yo ray ayayep ed katakelan, ta pampera yo ran mangan!

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 22:25

insan ta ka iter ed saray malabay a mamatey ed sika, saray totoon tatakotan mo. Ipalima ta kad Ari Nabucodonosor na Babilonia tan saray sondalo to.

Jeremias 38:16

Kanyan diad maamut insipan nen Ari Sedekias ed siak, “Sambaan kod mabilay a Katawan a mangiiter ed sikatayoy bilay, ya ag ta ka papatey odino ipalimad saray totoon malabay a mamatey ed sika.”

Jeremias 39:6

Diad Ribla nengnengnengen nen Sedekias iray lalakin anak to legan ya impapatey ira na ari na Babilonia. Impapatey to met iray opisyal na Juda.

Jeremias 4:30

Jerusalem, pangaskasiyan ka! Akin et akakawes kay ambalbalanga? Akin et manaalahas ka tan akapinta na pampaganggana iray matam? Andi-kakanaan lay pampapagangganam! Impolisay ka la na saray kainarowan mo tan labay da kan pateyen.

Jeremias 44:30

Ipalimak si Ari Hofra na Egipto ed saray kalaban ton malabay a mamatey ed sikato, a singa samay impangipalimak ed kinen Ari Sedekias na Juda ed kinen Ari Nabucodonosor na Babilonia a kalaban to tan malabay a mamatey ed sikato.”

Jeremias 49:37

Patakoten ko ray totoo to ed saray kalaban dan malabay a mamatey ed sikara. Diad gaway pasnuk kod sikara deralen ko ra tan ibakik iray sondalon onlaban ed sikara ya anggad naoput ko ra.

Jeremias 7:33

Magmaliw a kanen na saray manok tan saray ayayep ed katakelan iray bangkay, tan anggapoy manibwak a manaktakot ed sikara.

Ezekiel 23:28

Sikato yay ibabaga na Katawan a Dios: “Ipalima ta kad saray totoon kabosul tan pakakaingungotan mo.

Ezekiel 29:5

Ibantak ta kad kalawakan, pati saray amin a sira. Nabaldak ed dalin so laman mo tan natilak diman ya ag la nikotkot. Iter ko lan siraen na saray manok tan saray ayayep.

Ezekiel 32:4

Ibantak ta ka ed dalin tan ipakan ta ka ed saray amin a manok tan ayayep ed intiron mundo.

Deuteronomio 28:26

No ompatey kayo, ondago ray manok ya atap tan saray ayayep ed katakelan a mambuwag na saray bangkay yo, et anggapoy mangabul ed sikara.

1 Samuel 17:44

Inkuantod kinen David, “Gala dia, ta ipakan kod saray manok tan saray ayayep so bangkay mo.”

1 Samuel 17:46

Diad sayan agew say Katawan iyawat to kad limak; taloen ta ka tan potuten koy olom. Saray bangkay da ray sondalon Filisteo et ipakan kod saray manok tan saray ayayep. Naamtaan ed satan na intiron mundo a say Israel et walay Dios to,