Jeremias 34:18 - Maung A Balita Biblia

^18-19 Saray opisyal ed Juda tan Jerusalem, pati saray opisyal ed palasio, saray papari, tan amin a pangulo et akisipanan irad siak diad panamegley na indalan dad nanleetan na pinaldua ran bakan kalakyan. Balet dineral da may sipanan, ta ag da inonur iray nepeg dan gawaen onung ed impisipanan da. Kanyan gawaen kod sarayan totoo so singa samay ginawa rad baka.

Maung a Balita Biblia

^18-19 Saray opisyal ed Juda tan Jerusalem, pati saray opisyal ed palasio, saray papari, tan amin a pangulo et akisipanan irad siak diad panamegley na indalan dad nanleetan na pinaldua ran bakan kalakyan. Balet dineral da may sipanan, ta ag da inonur iray nepeg dan gawaen onung ed impisipanan da. Kanyan gawaen kod sarayan totoo so singa samay ginawa rad baka.

Jeremias 34:18 Iomraidhean Croise

Genesis 15:10

Inawit nen Abram ira yan ayayep ed Dios, pinaldua to ra likud ed saramay manok, insan to ra impandarasig a nampepetekan so balang kapaldua.

Genesis 15:8

Balet tinepet nen Abram, “Katawan a DIOS, panoy pakaamtak a nakayaryan ko yan dalin?”

Saray Salmo 50:1

Mansasalitay Katawan, say Dios a Makapanyari; tatawagen toy intiron mundo, manlapud bokig ya anggad sagur.

Oseas 6:7

“Balet kaloob da ed dalin diad Adam, dineral da so impisipanan kod sikara.

Oseas 8:1

Say Katawan kuanto, “Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

Saray Taga Roma 2:8

Balet baleg a sanuk tan pasnuk so ondapod saray masiblet tan manangibeneg na katwaan, ta totombuken day dalan na kaogsan.

Deuteronomio 17:2

“No walay nadngelan yon balita a diad sakey ed saray baley yo et walay laki odino bii a nankasalanan ed Katawan a Dios yo tan dineral toy impisipanan na Katawan

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”

Josue 7:11

Nankasalanan so Israel! Sinumlang da so paknaan ya ingganggan kod sikaran sumpalen da. Angala ra na pigaran bengatlan nepeg a deralen. Tinakew da, intila ray impanakew da, tan impikasakey dad saray kayaryan da.