Jeremias 34:17 - Maung A Balita Biblia

¹⁷ Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Maung a Balita Biblia

¹⁷ Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 34:17 Iomraidhean Croise

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Jeremias 15:2

No tepeten dad sika no iner so laen da, ibagam ed sikara a nibagak la: Saray arum ompatey irad salot— diman so laen da! Saray arum ompatey irad bakal— diman so laen da! Saray arum ompatey irad eras— diman so laen da! Saray arum nadakep ira— diman so laen da!

Jeremias 15:4

Pagmaliwen kon pakataktakotan ira na saray amin a katoowan ed intiron mundo, lapud samay ginagawad Jerusalem nen Manases a lakin anak nen Ezekias sanen sikatoy ari na Juda.”

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 29:17

Ibabagay Katawan a Makapanyarin-amin, ‘Mangipadalan ak ed sikara na bakal, eras, tan salot, tan pagmaliwen ko ran singa saray bungay igos a diad mapalalon inkaboluk da, ag ira nayarin kanen.

Jeremias 29:18

Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 32:25

Balet, Katawan a Dios, sikay angiganggan ed siak a saliwen ko may alog diad arap da ray tasi, anggaman a ngalngali la nadakep na saray taga Babilonia so siudad.”

Jeremias 32:36

Say Katawan a Dios na Israel kuantod siak, “Jeremias, ibabaga na saray totoo a lapud bakal, eras, tan salot napelag yan siudad ed lima na ari na Babilonia. Balet dengel mo niy nepeg kon ibaga.

Jeremias 34:8

Si Ari Sedekias tan saray totood Jerusalem nampapakna ran ibolus

Jeremias 38:2

a say Katawan inkuanto, “Ompatey ed bakal, odino eras, odino salot so siopaman a manayam ed dalem na siudad. Balet ag napatey so siopaman ya ompaway ed siudad ta onsukod saray taga Babilonia; nipaliis ed patey tan mambilay.”

Saray Tagleey 1:8

Mapalalon kaogsan so ginawa na Jerusalem, kanyan sikatoy adotakan. Balbalawen la natan na saray mangidadayew ed sikato, lapud anengneng dan alakseban. Manayay tan isasanib toy lupa to lapud kababaingan.

Daniel 6:24

Insan ingganggan na ari ya erelen ira may lalakin angidalem ed kinen Daniel tan impaibontuk to ra, pati saray kaasawaan da tan saray anak da, ed samay abut a kawalaan da ray lion. Kasakbayan ya asabi ray kaaralman na abut, asimpayut la ra na saray lion tan tinetemek day amin a pokel da.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

TAGA GALACIA 6:7

Ag yo titilaay sikayon dili: anggapoy makapantila ed Dios. No antoy intanem na too, sikato met so anien to.

Deuteronomio 19:19

nepeg ya awaten toy dusan awaten komun na samay naakusa. Diad onya napaandipat yo la yan kaogsan.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 28:64

“Say Katawan itaytayak to kayod saray amin a bansa, manlapud sakey a samput na dalin ya anggad sananey a samput, et diman kayo manlingkur ed saray diriyos a kiew tan bato, saray diriyos a sikayo tan saray lalaki yo et ag yo ran balut ginalang nen saman.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Puyan 16:6

Pinaagos day dala na saray totooy Dios tan saray propita, kanyan initdan mo ray dala ya inomen da. Kanepegan a nagawad sikara ya!”