Jeremias 34:10 - Maung A Balita Biblia

¹⁰ Nampapaknan amin iray totoo tan saray pangulo ra ya ibolus da ray aripen da, tan ag da la ran balut aripenen. Imbolus da ray aripen,

Maung a Balita Biblia

¹⁰ Nampapaknan amin iray totoo tan saray pangulo ra ya ibolus da ray aripen da, tan ag da la ran balut aripenen. Imbolus da ray aripen,

Jeremias 34:10 Iomraidhean Croise

Exodo 21:2

No manaliw kayo na Hebreon aripen, manlingkur ed sikayo ed loob na anem taon. Diad kumapiton taon ibolus yo ya anggapoy nepeg a bayaran to.

Isaias 29:13

Inkuan na Katawan, “Igagalang da ak ira yan totoo diad panamegley na bibil da, balet arawdawid siak so puso ra. Say rilihion na sarayan totoo et say panagpatlep da labat ed saray abangonan tan saray totontonen ya impaakseb na too.

Jeremias 26:10

Nen saray pangulo na Juda nadngelan da no antoy agawa, nangganat iran linma ed Timplo manlapud palasio tan inmirung irad pasen da diad Balon Puirta.

Jeremias 26:16

Insan saramay pangulo tan saramay totoo kuandad saray papari tan saray propita, “Ag nepeg a pateyen yan too, lapud nansalita ed sikatayo diad ngaran na Katawan tayon Dios.”

Jeremias 34:11

balet ag abayag angoman iray kanununotan, ta binabawi da ra, insan da ra pinasoot ya inaripen lamet.

Jeremias 36:12

Insan linmay Micaya ed palasioy ari, diad kuarto na samay sikritario na ari, a dimay panmimitingan na amin da ray opisyal. Wadman ira di Elisama a sumisimbawa na ari, Delaya a lakin anak nen Semaya, Elnatan a lakin anak nen Acbor, Gemarias a lakin anak nen Safan, Sedekias a lakin anak nen Hananias tan saray arum ya opisyal.

Jeremias 38:4

Insan inkuan na saray opisyal ed ari, “Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.”

Levitico 25:10

Onyay pangibiig yod kumalimamplon taon tan pangibawag yoy kawayangan ed amin a manaayam ed dalin. Legan na sayan taon amin a kayaryan ya inlako nepeg ya ipawil ira ed gendat ya akankayaryan, odino diad saray kabyangay boleg to; tan balang toon inlakon aripen nepeg ya ompawil ed pamilya to.

Marcos 6:20

Antakot nen Herodes si Juan, ta amta to a maung tan masanton too, kanyan iyaagel to. Labalabay ton dengelen si Juan, anggaman a saray ibabaga to et ag makapareen na isip to.