Jeremias 33:9 - Maung A Balita Biblia

⁹ Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Maung a Balita Biblia

⁹ Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.

Jeremias 33:9 Iomraidhean Croise

2 Saray Awaran 20:29

Ataktakot iray amin a bansa ya akadngel no panoy impanalo na Katawan ed saray kalaban na Israel.

Nehemias 6:16

Nen nadngelan ya na saray kalaban mi ed kaliber-liber iran bansa, abirbir dan abaingan irad saray totoo, lapud amta na balang sakey ya asumpal so kimey lapud tulong na Dios.

Ester 8:17

Inerman a luyag o siudad ya angibasaan ed samay ganggan na ari, nampipista ray Judio, nanliliket, tan nanggagayaga ra. Dakel ed saray arum a totoo so nagmamaliw a Judio, lapud antakot da la ra.

Saray Salmo 130:4

Balet pipirdonaen mo kami, kanyan nepeg mi kan igalang.

Saray Salmo 40:3

Imbangat to ak a mankantay balon kanta, sakey a kantan pangidayew ed Dios tayo. Ontakot iray amayamay a makanengneng ed saya tan manmatalek irad Katawan.

Isaias 43:21

Sikaray totoon ginawak a para siak, mankanta ra na saray dayew ko!”

Isaias 55:13

Ontubo ray kiew a sipris ed pasen a kawalaan da ray sabitan natan; ontubo ray kiew a mirtil ed pasen a totobuan natan na saray ambabaing. Sikato yay tanda a mansiansia lawas, sakey a tanda a mangipanunot ed ginawak, siak a Katawan.”

Isaias 60:5

Nanengneng mo yan nagawa, et nalimbos kay liket; Manlukso-lukso ka lapud liket mo. Niakar ed sika iray kayamanan na saray bansa; Onsabin manlapud biek na dayat iray kayamanan da.

Isaias 62:1

Mansalita ak a pamabiskeg kod linawa na Jerusalem; Ag ak mampainawa ya anggad sikatoy nilaban, Tan onsinag a singa baleg a silew ed labi so pananalo to.

Isaias 62:12

Natawag kayo na “Saray Masanton Totoo Na Dios,” “Saray Totoon Inlaban na Katawan.” Say Jerusalem natawag na “Say Siudad Ya Inaro Na Dios,” “Say Siudad Ya Ag Pinaolyan Na Dios.”

Isaias 62:4

Ag ka la natawag na “Nikaindan,” Odino say dalin mo et natawag na “Say tinaynan ya Asawan Bii.” Say ngaran mo magmaliw a “Makakaliket so Dios ed Sikato.” Say dalin mo natawag na “Maliket a Naasawa,” Lapud makaliliket ed sika so Katawan Tan magmaliw kan singa asawan laki ed dalin mo.

Isaias 62:7

Nepeg ya ag da pampapainawaen so Katawan anggad ipaalagey to lamet so Jerusalem, Tan gawaen ton siudad a dadayewen na intiron mundo.

Isaias 64:2

Onggiwgiw iran singa manlelwag a danum ya akatoon ed apoy. Gala pa ta ipanengneng moy pakayarim ed saray kalaban mo, tan pagiwgiw mod arap mo iray bansa!

Jeremias 13:11

Kanyan no panoy kaelet ed awak yan potut a pantalon, ontan met so kaelet a labay kon nepeg ya ipeket ed siak na amin a totood Israel tan Juda. Onyay ginawak pian magmaliw iran totook, tan mangiter iray dayew tan galang ed ngaran ko; balet ag da ak inonur.”

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Jeremias 24:6

Asikasoen ko ra tan ipawil ko rad sayan dalin. Iletneg, aliwan temeken, ko ra; itanem, aliwan baguten, ko ra.

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 29:1

Sinulat ko ray pangulo, saray papari, saray propita, tan amin a totoon dinakep nen Nabucodonosor ed Jerusalem tan inyakar to ran priso ed Babilonia.

Jeremias 3:17

No nasabiy tan a panaon, natawag so Jerusalem a ‘Say Trono na Katawan,’ tan amin a bansa mantitipon irad man a mangigalang ed siak. Ag da la gawaen so ibagad sikara na anawet tan maoges a puso ra.

Jeremias 3:19

Say Katawan kuanto, “Israel, nilabay ko ya awaten ta kan anak, tan itdan ta ka na makapaliket a dalin, say sankaabigan a dalin ed intiron mundo. Nilabay ko a tawagen mo ak na ama, tan ag mo ak la ikaindan.

Jeremias 31:14

Peneken ko na mananam a kakanen iray papari, tan iter koy amin a nakaukolan na saray totook. Siak, say Katawan, so nansalita.”

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Jeremias 32:42

“Onung na impangyakar koy deral ed sarayan totoo, ontan met iter kod sikaray amin a maung a bengatla ya insipan kod sikara.

Jeremias 33:14

Inkuan na Katawan, “Onsabiy panaon a sumpalen koy sipan kod saray totood Israel tan Juda.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Jeremias 44:8

Akin et pampapasnuken yo ak diad pangigagalang yod saray talintaoy diriyos tan diad pangibabagat yod saray arum a diriyos diad Egipto a nila yon panaayaman? Gagawaen yo ya a paneral ed sikayon dili, pian ludlureyen kayo na amin iray bansa diad tapew na dalin tan ikana ray ngaran yo a sakey a samba?

Jeremias 49:25

Sigput a nikaindan imay maliket tan bantug nen saman a siudad.

Ezekiel 26:20

Iyakar ta kad pasen a kawalaan da ray inaatey, pian makapikasakey kad saray totoon nambibilay nen saman a panaon. Panayamen ta kad man a kaibam iray andi-anggaan a deral-deral tan saray inaatey. Lapud saya ag ka lan balut natoowan tan anggapo lay pasen mon balut ed dalin da ray mabilay.

Ezekiel 36:35

Salitaen na balang sakey no panon a sayan siudad, a nen saman sakey a kalawakan, et nagmaliw a singa Tanamanan na Eden, tan no panon a panaayaman la tan apaliberan la na padir iray siudad ya ageba-geba, ataynan, tan aderal-deral nen saman.

Ezekiel 39:13

Ontulong so balang too ed dalin a mangipompon ed sikara, tan napagalangan irad saya no onsabiy agew na panalok. Siak a Katawan a Dios so nansalita.

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Zacarias 1:17

Samay anghil imbaga to met ed siak ya ibawag ko: “Ibabaga na Makapanyarin-amin a Katawan ya onaligwas lamet iray siudad to tan tulongan to lamet so Jerusalem, tan pilien to lamet a kayaryan ton dili so siudad to.”

Zacarias 12:2

“Pagmaliwen kon singa kupa na alak so Jerusalem; oninom iray bansan walad kaliber-liber to et mandongilngil iran singa abuek. Et no lakoben day Jerusalem, lakoben da met iray arum a siudad na Juda.

Deuteronomio 30:5

pian nakayaryan yo lamet so dalin a nanayaman na saray lalaki yo. Lalon paaligwasen to kayo tan lalon parakelen to kayo nen saray lalaki yo nen saman.