Jeremias 33:4 - Maung A Balita Biblia

⁴ Siak a Katawan, say Dios na Israel, kuanko a saray kaabungan ed Jerusalem tan say palasio ed Juda et nageba ra lapud panlakob tan pandogpa.

Maung a Balita Biblia

⁴ Siak a Katawan, say Dios na Israel, kuanko a saray kaabungan ed Jerusalem tan say palasio ed Juda et nageba ra lapud panlakob tan pandogpa.

Jeremias 33:4 Iomraidhean Croise

Isaias 32:13

saray masabit a dika tan saray balisanga so ontutubod dalin da ray totook. Nangisan yo ray amin a kaabungan a maliket a nanaayaman nen saman na saray totoo tan say siudad a magayaga nen saman.

Isaias 32:14

Nataynan so anggan palasio tan magmaliw a sigput a begtebegtew so anggan manonan siudad. Naderal ed ando lan ando iray kaabungan tan saray torin panagguardiaan. Manakar-akar diman iray asnod katakelan, tan mankabkab irad may karniro.

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 6:6

Say Katawan a Makapanyarin-amin ingganggan to ra yan arari a mambatang iray kakiewan tan mambunton iray dalin, pian nakobkob day Jerusalem. Impasakbay to la nen saman, “Dusaen ko yan siudad lapud napno na panagpairap.

Saray Tagleey 2:7

Impolisay na Katawan so altar to tan say masanton Timplo to; Inabuloyan ton igeba na saray kalaban iray padir to. Diad pasen a maliket min angigagalangan nen saman, inmeeyag ira lapud impanalo.

Ezekiel 21:22

Bebembenan natan na kawanan a lima to so pana a nanmarka na Jerusalem! Ibabaga na saman a dimay laen to, mangiparaan na saray panmasod saray puirta, oneyag na para bakal, ilira to ray bunton, tan mankotkot na saray tirinsira.

Ezekiel 26:8

Napatey ed bakal iray manaayam ed saray baley ed maawang a dalin. Saray kalaban manggawa ra na saray tirinsira, saray bunton na dalin, tan mangipaalagey ira na saray makapal tan mabiskeg a saniban da no milaban irad sika.

Ezekiel 4:2

Insan igulis mo met so panakep ed siudad; igulis mod kaliber-liber na siudad iray tirinsira, saray bunton na dalin, saray kampo, tan saray mason ankakabaleg.

Habacuc 1:10

Luludlureyen da ray arari tan elek-elekan da ray atatagey ya opisyal. Anggapoy tirinsiran makapatondad sikara—mambubunton ira na dalin ed abay na tirinsira et nadadakep da.

Deuteronomio 20:20

Nayarin batangen yo ray kiew ya ag naakay bunga ra tan ikana yo rad iloob yod siudad anggad pakadakep yo.