Jeremias 33:21 - Maung A Balita Biblia

²¹ Ontan met akisipanan ak ed aripen kon David pian nawalaan lawas na kabyangay boleg a manari, tan akisipanan ak ed saray papari a kabyangay tribu nen Levi pian manlingkur ira lawas ed siak; et ag ira yan balut naderal a sipanan.

Maung a Balita Biblia

²¹ Ontan met akisipanan ak ed aripen kon David pian nawalaan lawas na kabyangay boleg a manari, tan akisipanan ak ed saray papari a kabyangay tribu nen Levi pian manlingkur ira lawas ed siak; et ag ira yan balut naderal a sipanan.

Jeremias 33:21 Iomraidhean Croise

2 Samuel 23:5

Onyay pamindision na Dios ed saray kabyangay boleg ko, ta andi-angga so impisipanan tod siak, sakey a paknaan ya ag naderal, sakey a sipan ya ag naoman. Sikato ya labat so labay kon nagawa; sikato yay panananalok, et andi-duaruwan ipagamur ed siak na Dios.

2 Saray Awaran 21:7

balet ag labay na Katawan a mansamput so panoley da ray kabyangay boleg nen David, lapud akisipanan ed kinen David. Insipan to a saray kabyangay boleg nen David so manoley ya anggad angga.

2 Saray Awaran 7:18

sumpalen ko may sipan kod kinen amam a David nen imbagak ed sikato a say Israel et lawas oleyan na saray kabyangay boleg to.

Saray Salmo 132:17

Diak gawaen a matalonggaring ya ari so sakey ed saray anak nen David; diak pagnayonen so oley na pinilik ya ari.

Saray Salmo 89:34

Ag ko deraley impisipanan kod sikato, tan ag ko bawien so anggan sakey ya insipan kod sikato.

Saray Salmo 89:36

Nawalaan lawas na saray kabyangay boleg to, tan daput onsisinag so agew asikasoen koy nanarian to.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 66:22

“No panon a say balon mundo tan say balon katawenan et mansiansia ra lapud pakayarik, ontan met a mansiansia ray kabyangay boleg yo tan say ngaran yo.

Jeremias 33:18

tan wala lawas iray paparin kabyangay tribu nen Levi a manlingkur ed siak tan mangisaklang na saray bagat a popoolan, saray bagat a trigo tan saray nandoroman bagat.”

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Mateo 24:35

Naandipat so tawen tan dalin, balet ag balut naandipat iray salitak.”

Puyan 5:10

Ginawam iran sakey a panarian tan impagmaliw mo ran papari a manlingkur ed Dios tayo; tan manari rad tapew na dalin.”