Jeremias 33:11 - Maung A Balita Biblia

¹¹ iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Maung a Balita Biblia

¹¹ iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, Misalamat kayod Katawan a Makapanyarin-amin, ta sikato et maung, tan ag mangangga so panangaro to. Paaligwasen ko yan dalin a singa samay kipapasen to nen saman. Siak, say Katawan, so nansalita.

Jeremias 33:11 Iomraidhean Croise

1 Saray Awaran 16:34

Misalamat kayod Katawan, ta sikato et maung; andi-anggan so panangaro ton ag mangoman!

1 Saray Awaran 16:8

Misalamat kayod Katawan, ibawag yoy pakapanyari to, tan ipaamta yod saray bansa iray ginagawa to.

2 Saray Awaran 20:21

Kayari na ari a binilin iray totoo, ingganggan to ray pigaran tumutogtog tan pigaran kumakanta a mansulong iray kawes ya isosolung da no wala ray masanton pista tan mankurang iran walad onaan da ray sondalo tan ikankanta ra: “Nadayew komun so Katawan! Ag mangangga so ag mangoman a panangaro to!”

2 Saray Awaran 29:31

Inkuanen Ezekias ed saray totoo, “Natan ta malinis kayo la onung ed ganggan, mangawit kayo na saray bagat a para pisasalamat ed abung na Katawan.” Tinmoluk ira may totoo, tan angaawit a mabolbolus so arum ed sikara na saray ayayep a para bagat a popoolan.

2 Saray Awaran 7:3

Nen anengneng na saray totood Israel a naplag a nanlapud tawen so apoy tan pinano na liwawa so Timplo, dinmakmomo ran anggad dalin, inggalang day Dios tan indayew da lapud kaabigan tan ag mangoman a panangaro to.

Esdras 6:22

Pitoy agew a sigput so liket dan nansilibra ed Pistay Tinapay ya Anggapoy Libadura. Malikeliket ira lapud ginawa na Katawan so Impirador na Asiria a maabig so linawa tod sikara, kanyan initdan to ra na ginastos dad impangipaalagey da lamet ed Timplo na Dios na Israel.

Nehemias 12:43

Amayamay a bagat so insasaklang dad saman ya agew, tan mapalaloy gayaga na saray totoo lapud ontan lay impamaliket na Dios ed sikara. Akipista met iray bibii tan saray ogogaw. Narengel ed arawdawi so kasil na bosis dan amin.

Nehemias 8:12

Kanyan sinmempet lad abung iray amin a totoo. Maliket iran nanaakan tan naniinom; iniitdan da ray kulang so paraan, lapud atalusan da ray imbasad sikara.

Saray Salmo 106:1

Idayew yoy Katawan! Misalamat kayod Katawan, ta sikato et maung; andi-anggaan so panangaro to.

Saray Salmo 107:1

“Misalamat kayod, Katawan, ta sikato et maung; andi-anggaan so panangaro to!”

Saray Salmo 107:22

Nepeg dan pisalamatan diad panamegley na saray bagat, tan ibawag day ginagawa to diad panamegley na saray kanta na liket.

Saray Salmo 116:17

Itdan ta kay bagat na pisasalamat tan mampikasi ak ed sika.

Saray Salmo 147:13

Papabiskegen to ray puirtam; bibindisionan to ray totoom.

Saray Salmo 85:7

Ipanengneng mo pad sikamiy ag mangoman a panangarom, O Katawan, tan iter mo pad sikamiy manangilaban a tulong mo.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Isaias 51:11

Onsabin magaygayaga ed Jerusalem ira may inyagel mo, mankanta tan maneyag ira lapud liket. Manliket ira ed ando lan ando, naandi lad bilay da so ermen tan dageyem.

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Isaias 52:8

Maneeyag iray mangguaguardiad siudad, mambabansag iran oneeyag lapud liket. Nanengneng dad dilin mata ra so ipapawil na Katawan ed Sion.

Isaias 52:9

Ikasil yoy pankanta yo lapud liket, sikayo ran deral-deral na Jerusalem! Ta say Katawan iyagel toy siudad to tan ligliwaen to ray totoo to.

Jeremias 16:9

Dengel kad siak a Katawan a Makapanyarin-amin, say Dios na Israel, ed nepeg kon ibaga. Patondaen ko ray tanul na likeliket tan gayaga, tan say sayaksak na saray nubio tan saray nubia ed sayan pasen. Saray totoo dia mambilay ira ya anggad pakanengneng dan nagawa ya.

Jeremias 17:26

Onsabi ray totoo a manlapud saray baley na Juda tan saray bario ed kaliber-liber na Jerusalem; manlapu rad dalin na Benjamin, diad saray alusadsar na saray pokdul, diad saray kapalandeyan, tan diad abalaten na Juda. Mangawit irad Timplok na saray bagat a popoolan tan saray isasaklang, saray bagat a trigo tan insinso, tan saray bagat a pangiter na pisasalamat.

Jeremias 25:10

Patondaen ko ray paneeyag dad liket tan gayaga tan saray maliket a tanul ed saray bansal. Naandian ira na larak a para saray lamparaan da tan saray trigo.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Jeremias 30:19

Mankanta na panangidayew iray totoon manaayam diman; maneyag irad liket. Lapud panamindision ko ondakel ira, tan napagalangan ira.

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 32:44

Saliwen ira na saray totoo, tan napirmaan iray kasulatan na saliwan, natimbrian ira, tan natasian ira. Nagawa ya ed pasen a sakop na dalin na Benjamin, diad saray bario ed kaliber-liber na Jerusalem, diad saray baley na Juda, tan diad saray baley ed kapokdulan, diad saray alusadsar, tan diad abalaten na Juda. Papawilen kod dalin da iray totoo. Siak, say Katawan, so nansalita.”

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Jeremias 33:7

Paaligwasen koy Juda tan Israel, tan ipawil koy gendat a kipapasen da.

Jeremias 7:34

Magmaliw a kabueran so dalin. Pansamputen ko ray tanul na liket tan gayaga diad saray siudad na Juda tan diad saray dalan na Jerusalem tan saray maliket a tanul na bansal.

Amos 9:14

Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Jonas 2:9

Balet mankanta ak na panangidayew ed sika; mangisaklang ak ed sika na bagat tan sumpalen ko so insipan ko. Manlalapud Katawan so kilalaban!”

Nahum 1:7

Say Katawan et maung; iyaagel tod panaon na gunigon iray totoo to; aasikasoen to ray onsisingger ed sikato.

Sofonias 3:14

Mankanta tan eyag kayod liket, sikayon totood Israel! Manggaya kayod intiron puso yo, sikayon totood Jerusalem!

Zacarias 10:7

Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Zacarias 8:19

“Say ayunon nagagawa kapag kumapat, kumalima, kumapito tan kumaplon bulan et magmaliw a pista na liket tan gayagan para saray totood Juda. Nepeg yon aroen so katwaan tan kareenan.”

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Saray Hebreo 13:15

Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”