Jeremias 32:7 - Maung A Balita Biblia

⁷ a si Hanamel a lakin anak nen pangamaen kon Sallum et onsabi a kerewen tod siak a saliwen koy alog to ed Anatot a sakop na dalin na Benjamin, ta siak so sankaasinggeran a kanayon to, tan walay kanepegan kon manaliw.

Maung a Balita Biblia

⁷ a si Hanamel a lakin anak nen pangamaen kon Sallum et onsabi a kerewen tod siak a saliwen koy alog to ed Anatot a sakop na dalin na Benjamin, ta siak so sankaasinggeran a kanayon to, tan walay kanepegan kon manaliw.

Jeremias 32:7 Iomraidhean Croise

1 Saray Arari 14:5

Imbaga na Katawan ed sikato ya onsasabiy asawa nen Jeroboam, ta tepeten to so nipaakar ed lakin anak to a mansasakit. Imbaga met na Katawan no antoy nepeg ton ibaga. Sinmabi may asawa nen Jeroboam, tan nankonkoanan a sananey a bii.

Jeremias 1:1

Sasalitaen na sayan libro so nipaakar ed imbabaga nen Jeremias a lakin anak nen Hilcias, tan sakey ed saray papari ed baley na Anatot diad dalin nen Benjamin.

Jeremias 11:21

Labay na saray totood Anatot a pateyen da ak, kanyan imbaga rad siak a pateyen da ak no ituloy koy pampulong kod ngaran na Katawan.

Jeremias 32:6

Imbagad siak na Katawan

Jeremias 32:8

Insan, onung na imbagay Katawan, linmad siak si kapinsan kon Hanamel diad patio na palasioy ari tan kinerew tod siak, ‘Saliw mo pa la may alog ko ed Anatot a sakop na dalin na Benjamin. Sikay sankaasinggeran a kanayon ko, tan walay kanepegan mon manaliw tan mangayaryan ed saman ya alog. Saliw mo pa la.’ Akabatan ko lad saman ya ingganggan ak na Katawan a gawaen ko ya.

Levitico 25:23

Say dalin ag nepeg ya ilakon anggad angga lapud ag yo kayaryan; say Dios so akankayaryan, tan singa kayo sangkailin naabuloyan a mangikana ed dalin.

Levitico 25:24

No alako so dalin, nepeg a birbiren so kanepegan na gendat ya akankayaryan a manondon.

Levitico 25:25

No mairap so bilay na sakey ya Israelita tan apilitan ya angilako na dalin to, say sankaasinggeran a kanayon to so manondon.

Levitico 25:34

Balet say dalin a panagpastolan ed kaliber-liber da ray siudad na Levita et nepeg ya ag balut ilako; kayaryan dan anggad angga.

Levitico 25:49

odino say pangamaen to odino say kapinsan to odino say sakey ed saray asingger a kanayon to so nayarin manondon ed sikato; odino no bilang ta akalmoy malaem, nayarin saliwen ton dili so kawayangan to.

Saray Bilang 35:2

“Ibagam ed saray Israelita a diad saray naawat dan kayaryan nepeg ya itdan da ray Levita na pigaran siudad a panayaman da tan dalin a panagpastolan ed kaliber-liber na saray siudad.