Jeremias 32:5 - Maung A Balita Biblia

⁵ Niakar ed Babilonia si Sedekias, tan manayam diman ya anggad arapen kon tulongan. Anggano mibakal ed saray tagan Babilonia, ag manalo. Siak, say Katawan, so nansalita.”

Maung a Balita Biblia

⁵ Niakar ed Babilonia si Sedekias, tan manayam diman ya anggad arapen kon tulongan. Anggano mibakal ed saray tagan Babilonia, ag manalo. Siak, say Katawan, so nansalita.

Jeremias 32:5 Iomraidhean Croise

2 Saray Awaran 13:12

Say Dios a dili so pangulo mi, tan wadya ray papari to ya akaparaan lan mamaknul na saray trumpita diad panawag dad sikamin mibakal. Totood Israel, ag yo komun lalabanan so Katawan a Dios na saray lalaki yo! Ag kayo manalo!”

2 Saray Awaran 24:20

Insan say ispiritu na Dios linmoob ed kinen Zacarias a lakin anak nen Joiada a pari. Nanalagey ed sakey a pasen a nanengneng na saray totoo tan inkulyaot to, “Tetepeten ed sikayo na Katawan a Dios no akin et sinumlang yo ray ganggan to tan ipepelag yod sikayon dili so deral! Inkaindan yoy Katawan kanyan inkaindan to kayo!”

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Jeremias 2:37

Ibeneg mon ibatikan so Egipto, tan diad kababaingan mo sakuban moy lupam. Siak, say Katawan, impolisay ko ray panmamatalkan mo; anggapoy nagunggonam ed sikara.”

Jeremias 27:22

Naala rad Babilonia tan mansiansia rad man ya anggad agew a limengen ko ra. Alaen ko rad satan tan ipawil ko rad sayan pasen. Siak, say Katawan, so nansalita.”

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 32:6

Imbagad siak na Katawan

Jeremias 33:5

Onlaban iray pigara ed saray taga Babilonia a mampanod sayan siudad na saray bangkay da ray kabilen ko lapud pasnuk tan sanuk ko. Inmarawi ak ed sayan siudad lapud saray maoges a bengatlan ginagawa na saray totoo to.

Jeremias 37:10

Anggaman a natalom ya amin iray sondalo na Babilonia, ta pian saray nakeraan labat ed sikara et saray sugatan a mandokdokul ed dalem na saray tulda ra, sarayan totoo et looban da ni yan siudad, insan da poolan.”

Jeremias 39:4

Nen si Ari Sedekias na Juda tan amin da ray sondalo to et anengneng day agawa, sinali ran ibatikay siudad legay labi. Pinmaway irad tanamanan na ari, insan ira dinmalan ed puirtan nanleetan na saray duaran padir tan batik iran amaarap ed Patar na Jordan.

Jeremias 39:5

Balet inosilan ira na saray sondalo na Babilonia, tan adakep day Sedekias ed saray patar ya asingger ed Jerico. Inyakar day Sedekias ed kinen Ari Nabucodonosor a walad siudad na Ribla diad dalin na Hamat, tan diman sinintinsiaan nen Nabucodonosor.

Jeremias 39:7

Insan to impasokit iray mata nen Sedekias, tan to impagulonggulongan ya iyakar ed Babilonia.

Saray Tagleey 1:14

“Inlista ton amin iray kasalanan ko, insan to ra binerber ya amin; Imbitin to ra ed beklew ko, et kinmapoy ak lapud saya. Impalima ak na Katawan ed saray kalaban ko, tan siak so sarasarag da.

Ezekiel 12:12

Say prinsipin manooley ed sikara et sakbaten tod ambilonget so balkut to tan diad binongaw dad padir ompaway ya ombatik. Pepetan toy mata to et ag to nanengneng no iner so laen to.

Ezekiel 12:13

Balet sabokulan kon erelen. Insan ko iyakar ed siudad na Babilonia a diman ompatey ya ag to nanengneng imay siudad.

Ezekiel 17:15

Balet say ari na Juda linmaban tan angibakid Egipto na saray totoo to, ta miala ray kabayo tan saray amayamay a sondalo. Manalo kasi? Diad panggawa tod satan, makabatik kasi? Ag kasi nadusa no sumlangen to may paknaan?

Saray Bilang 14:41

Balet inkuanen Moises, “Akin sirin et susumlangen yo natan so Katawan? Ag kayo manalo!