Jeremias 32:39 - Maung A Balita Biblia

³⁹ Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Maung a Balita Biblia

³⁹ Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Jeremias 32:39 Iomraidhean Croise

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Genesis 22:12

“Ag mo didiwiten itay ogaw o panggawaan na antokaman,” inkuanto. “Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.”

2 Saray Awaran 30:12

Tinenyeg met na Dios so kapusoan da ray totood Juda tan impankakasakey to rad pilalek dan mangonur na linawa to diad panumpal dad saray ganggan na ari tan saray opisyal to.

Saray Salmo 112:1

Idayew yoy Katawan! Maliket so toon mangigagalang ed Katawan, tan makaliliket a mangoonur ed saray ganggan to.

Saray Salmo 128:6

Andokey komuy bilay mo, pian nanengneng mo ray apom! Manari komun ed Israel so kareenan!

Saray Salmo 86:11

Katawan, ibangat mo ak pad labay mon gawaen ko, et matoor ta kan onuren; ibangat mo ak pan manlingkur ed sika diad intiron pusok.

Probirbio 23:17

Ag mo iibegan iray totoon makasalanan; igalang mo lawas so Katawan.

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

Isaias 52:8

Maneeyag iray mangguaguardiad siudad, mambabansag iran oneeyag lapud liket. Nanengneng dad dilin mata ra so ipapawil na Katawan ed Sion.

Isaias 65:23

Onaligwas so antokaman a kimeyan da, tan ag nadalan na segsegang iray anak da. Bindisionan ko ra tan amin da ray kabyangay boleg da ed amin a panaon ya onsabi.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Ezekiel 36:26

Itdan ta kayo na balon puso tan balon isip. Ekalen kod sikayoy inmawet a puso yon singa bato tan itdan ta kayo na maonur a puso.

Ezekiel 37:22

Pagmaliwen ko ran saksakey a bansa ed dalin, diad kapalandeyan na Israel. Nawalaan iray saksakey ya ari a manoley ed sikara, et ag la ra napaldua a duaran bansa odino napaldua ra a duaran nanarian.

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.

Ezekiel 37:25

Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 17:21

pian magmaliw iran amin a saksakey komun. Ama! Mikasakey ira komud sikata, a singa kiwalam ed siak tan siak ed sika, pian manisiay sankamundoan ya imbaki mo ak.

Saray Gawgawa 13:33

sinumpal tod sikatayon anak da, nen pinaoli tod bilay si Jesus. Onung na ibabagay kumadwan Salmo: ‘Sikay Anak ko; manlapud sayan agew, siak so Amam.’

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

Saray Gawgawa 3:26

Kanyan piniliy Dios so Aripen to tan onaan kayo ya angibakian to, pian nabindisionan to kayo, diad panamegley na panulong tod sikayon mangibeneg ed maoges a panagbilay yo.”

Saray Gawgawa 4:32

Nankakasakey so kanunotan tan liknaan da ray amin a mananisia, tan anggapoy mangipapasen a kien ton bukor so kayaryan to, no ag ingen kien dan amin.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Saray Taga Roma 11:16

No say ononan tinapay a nanlapud masa et imbagat ed Dios, imbagat met lay intiron masa. No imbagat ed Dios so lamut na kiew, imbagat met la ray sanga to.

1 CORINTO 7:14

Ta say aliwan mananisian laki et magmaliw a makapaliket ed Dios makasengeg ed mananisian asawa to, tan say aliwan mananisian bii et magmaliw a makapaliket ed Dios, makasengeg ed asawa ton mananisia. Ta no aliwan ontan, ag magmaliw a makapaliket ed Dios iray anak da, balet say katwaan to, makapaliket ira.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Deuteronomio 6:24

Insan say Katawan a Dios tayo ingganggan to ya onuren mi ra yan ganggan tan sikatoy takotan mi. No sumpalen mi ra ya, asikasoen to lawas so bansa tayo tan paaliguasen to.

Saray Hebreo 10:20

Nilokasan ton para sikatayo so balo tan mabilay a dalan ya ontalus ed biek na kurtina, a salanti say laman to.