Jeremias 32:34 - Maung A Balita Biblia

³⁴ Inyan da ni ingen ed dalem na Timplo a nipaalagey ed ngaran ko iray talintaon kabosul ko tan dinotakan day Timplo.

Maung a Balita Biblia

³⁴ Inyan da ni ingen ed dalem na Timplo a nipaalagey ed ngaran ko iray talintaon kabosul ko tan dinotakan day Timplo.

Jeremias 32:34 Iomraidhean Croise

2 Saray Arari 21:1

Labinduay taon nen Manases nen nagmaliw ya ari ed Juda, tan nanoley ed Jerusalem na limamplo tan limay taon. Si Hefziba so ina to.

2 Saray Arari 23:6

Inekal tod Timplo so masanton tiken a nisaklang ed Asera, impaway tod siudad tan inyakar tod Patar na Cedron, pinoolan to, minekmek to ya anggad nagmaliw a dapul, insan to impokopuk ed kamposantoy karaklan.

2 Saray Awaran 33:15

Ineekal tod Timplo iray diriyos na arum a bansa tan samay talintaon inyan tod man nen saman. Ineekal to met iray paganon altar a walad pokdul a panalalageyan na Timplo tan diad saray arum a pasen ed Jerusalem; inyakar tod paway na siudad ira yan ineekal to, insan to ra imbabantak.

2 Saray Awaran 36:14

Ontan met, saray pangulo na Juda, saray papari, tan saray karaklan et ag da tinoor so Dios, ta inalig da ray kaogsan da ray bansan walad kaliber-liber da diad impangigalang dad saray talintaoy diriyos. Diad onya, dinotakan day Timplo a pinasanto na Katawan.

Jeremias 19:4

Gawaen ko ya, lapud inkaindan ak na saray totoo tan dinotakan da yan pasen diad impangibabagat da dia ed saray arum a diriyos—saray diriyos ya ag da kabat, sikara, saray lalaki ra, o saray ararid Juda. Sayan pasen dinelap da na dala da ray anggapoy kasalanan a totoo,

Jeremias 23:11

Say Katawan kuanto, “Anggapoy Dios da iray propita tan saray papari; apesgaan ko ran manggagaway kaogsan ed dalem na Timplo.

Jeremias 30:14

Alingwanan kayo la na amin da ray kainarowan mo; ag da ki la labay. Dinogpaan ta kayon singa sakey a kalaban; mapalaloy inkadusa yo, lapud amayamay so kasalanan yo tan mapalaloy kaogsan yo.

Jeremias 34:15

Agano nin angoman kayoy kanunotan tan ginawa yoy makapaliket ed siak. Nampapakna kayon amin ya ibolus yo ray kapara yon Israelita, tan akisipanan kayo diad arap ko, diad dalem na Timplo a pangigagalangan ed siak.

Jeremias 44:4

Ag ak tinmondan angibaki na saray aripen kon propita ya angibagad sikayon ag yo gagawaen yan makapangingungot a bengatlan kabkabosul ko.

Jeremias 7:10

Gagawaen yo ray makapaingungot ed arap ko, insan manalagey kayod imatun ko diad dalem na Timplo tan kuanyo, ‘Arawi kamid kaatapan!’

Jeremias 7:30

“Nanggawa na sakey a kaogsan iray totoo ed Juda. Inyan dad dalem na Timplok iray karimdimlak a talintaoy diriyos da, kanyan dinotakan da.

Jeremias 7:31

Diad Patar na Hinnom nanggawa ray altar a tatawagey Tofet, a diay nampopoolan dad saray imbabagat dan anak da. Ag ko ingganggan a gawaen da ya odino sinmebang ed kanunotan koy onya.