Jeremias 32:30 - Maung A Balita Biblia

³⁰ Manlapu lad inggapoy awaran na saray totood Israel tan saray totood Juda, kaogsan labat so ginagawa ra tan impanpasnuk da ak lapud saray ginagawa ra.

Maung a Balita Biblia

³⁰ Manlapu lad inggapoy awaran na saray totood Israel tan saray totood Juda, kaogsan labat so ginagawa ra tan impanpasnuk da ak lapud saray ginagawa ra.

Jeremias 32:30 Iomraidhean Croise

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Jeremias 11:17

“Siak, say Katawan a Makapanyarin-amin, intanem koy Israel tan Juda; balet natan ibabawag kod sikaray dusan panderal ed sikara. Dineral day sikaran dili, lapud nanggawa ray kaogsan; impanpasnuk da ak lapud impanbabagat dad kinen Baal.”

Jeremias 2:7

Inyakar ko rad sakey a mabonan dalin, pian napanliketan da ray naanid man tan saray arum a bengatlan maabig. Ingen dineral day dalin ko; impagmaliw dan makarimdimla so dalin ya inter kod sikara.

Jeremias 22:21

Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Jeremias 25:6

Imbaga rad sikayo ya ag kayo mangigagalang tan manlilingkur ed arum a diriyos, tan ag yo pampapasnuken so Katawan diad panamegley na pangigalang yod saray talintaon ginagawa yo. No inonur yo labat so Katawan, ag to kayo la komun dinusa.

Jeremias 25:7

Balet say Katawan a dili imbaga to a sikatoy ag yo dinengel. Ingen impanpasnuk yo diad panamegley na saray talintaoy diriyos yo, kanyan sikayon dili so nanlapwan na sayan panudusa tod sikayo.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 30:14

Alingwanan kayo la na amin da ray kainarowan mo; ag da ki la labay. Dinogpaan ta kayon singa sakey a kalaban; mapalaloy inkadusa yo, lapud amayamay so kasalanan yo tan mapalaloy kaogsan yo.

Jeremias 36:2

“Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.

Jeremias 44:3

lapud saray totoon manaayam ed saraman a siudad et nanggagawa ray kaogsan tan impanpasnuk da ak. Nambabagat irad saray arum a diriyos tan nanlilingkur irad saray diriyos ya ag da kabat, odino sikayo, odino saray lalaki yo.

Jeremias 44:8

Akin et pampapasnuken yo ak diad pangigagalang yod saray talintaoy diriyos tan diad pangibabagat yod saray arum a diriyos diad Egipto a nila yon panaayaman? Gagawaen yo ya a paneral ed sikayon dili, pian ludlureyen kayo na amin iray bansa diad tapew na dalin tan ikana ray ngaran yo a sakey a samba?

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Ezekiel 23:3

Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.