Jeremias 32:23 - Maung A Balita Biblia

²³ Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.

Maung a Balita Biblia

²³ Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.

Jeremias 32:23 Iomraidhean Croise

Esdras 9:7

Nanlapu lad panaon na saray lalaki mi ya anggad natan, ontan la so impankakasalanan da ray totoom. Lapud saray kasalanan mi, sikami, saray arari mi tan saray papari mi et naplag kamid lima da ray ararid arum a bansa, tan pinapatey, tinatakewan, tan inyaakar da kami ed arum a bansa. Asigsigput kamin naplag ed kababaingan a singa kipapasen mi nin anggad natan.

Nehemias 9:15

“Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Saray Salmo 78:10

Ag da tinoor so impisipanan dad Dios; ag da tinoluk so ganggan to.

Jeremias 2:7

Inyakar ko rad sakey a mabonan dalin, pian napanliketan da ray naanid man tan saray arum a bengatlan maabig. Ingen dineral day dalin ko; impagmaliw dan makarimdimla so dalin ya inter kod sikara.

Jeremias 26:4

Say Katawan imbaga tod siak ya ikuankod saray totoo yan salita to, “Siak, say Katawan, imbagak lad sikayo a nepeg yo ak a toluken diad pangonur yod saray bangat kod sikayo.

Jeremias 44:10

Balet anggad natan ag kayo ni nampaabeba. Ag yo ak ni papagalangan tan ag kayo ni mambibilay onung ed saray ganggan ya inter kod sikayo tan saray lalaki yo.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Saray Tagleey 1:18

“Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Saray Tagleey 1:8

Mapalalon kaogsan so ginawa na Jerusalem, kanyan sikatoy adotakan. Balbalawen la natan na saray mangidadayew ed sikato, lapud anengneng dan alakseban. Manayay tan isasanib toy lupa to lapud kababaingan.

Ezekiel 20:18

Ingen, pinasakbayan kod man iray tobun-balo. Ag yo oonuren iray ganggan a ginagawa na saray lalaki yo; ag yo aaligen iray ogali ra odino dodotakan so sikayon dili diad pidios yod saray talintaoy diriyos da.

Ezekiel 20:21

“Balet sinumlang ak met na saman a kailalakan. Sinumpa da ray bilin ko tan ag da inonur iray ganggan ko a mangiter na bilay ed saray mangonur. Ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Lucas 17:10

Ontan yo met. No asumpal yo lan amiy pagagawad sikayo, ikuanyo, ‘Magter kami labat ya aripen a nanggaway kanepegan mi!’”

Juan 15:14

Kakaaro ta kayo, no onuren yo ray ganggan ko.

TAGA GALACIA 3:10

Amin da ray manmamatalek ed panangonur ed Ganggan, wala rad silong na sakey a samba. Ta ibabagay Masanton Sulat, “Nisamba so balang sakey ya ag ononur ed amin a nisulat ed libro na Ganggan!”

Santiago 2:10

Ta siopamay mangonur ed amin a ganggan balet et sumlangen toy sakey, sinumlang to lan amin.

Josue 21:43

Kanyan say Katawan inter tod Israel so intiron dalin a sinambaan ton iter ed saray lalaki ra. Nen akayaryan da lay dalin, nanayam irad man.

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”