Jeremias 32:19 - Maung A Balita Biblia

¹⁹ Manggagawa ka ray planon napnoy kakabatan tan saray matalonggaring a bengatla; sankanengneng mo ray amin a kabibilay na saray totoo, tan tutumangan mo ra onung na gawgawa ra.

Maung a Balita Biblia

¹⁹ Manggagawa ka ray planon napnoy kakabatan tan saray matalonggaring a bengatla; sankanengneng mo ray amin a kabibilay na saray totoo, tan tutumangan mo ra onung na gawgawa ra.

Jeremias 32:19 Iomraidhean Croise

1 Saray Arari 8:32

O Katawan, dengel ka pad tawen tan sintinsiaan mo ray aripen mo. Dusam pay toon nankasalanan onung na kanepegan to, tan ibolus moy anggapoy kasalanan.

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

Say Libro nen Job 34:11

Tutumangan to ray totoo ed saray gagawaen da, tan iiter tod sikaray kanepegan da.

Say Libro nen Job 34:21

Iimanoen na Dios so balang kutdang na too.

Saray Salmo 111:2

Makapakelaw a tuloy iray gagawaey Katawan! Amin da ray makaliliket ed saraya et labay da ran natalusan.

Saray Salmo 34:15

Say Katawan iimanoen to ray matonung, tan dedengelen to ray tawag da;

Saray Salmo 62:12

tan ag mangoman so panangaro to. Sikan dili, O Katawan, so ontutumang ed balang sakey a too onung ed saray gawgawa to.

Saray Salmo 92:6

Say makulang-kulang ag to natalusan tan say ambagel ag to natebek

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Probirbio 5:21

Sankanengneng na Katawan ya amin iray gagawaen mo. Bambantayan to ka ed inermay laen mo.

Probirbio 8:14

Mamplaplano ak tan susumpalen ko ra. Walay pakatalus ko, tan mabiskeg ak.

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Isaias 28:29

Amin ira yan kakabatan et nanlapud Katawan a Makapanyarin-amin. Saray plano na Dios et napno ra na kakabatan, tan aligwas lawas so pansumpalan da.

Isaias 40:13

Walay makapangibaga ed Katawan no antoy gawaen to? Siopay makapangibangat odino makasimbawad sikato?

Isaias 59:18

Dusaen to ray kalaban to onung ed saray ginawa ra, pati saray manaayam ed saray arawin dalin.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Jeremias 16:17

Nanenengneng koy amin a gagawaen da. Anggapoy antokaman ya akaamut ed siak; ag makapaliis ed pakanengneng ko iray kasalanan da.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 21:14

Balet, dusaen ta ka lapud ginawam. Poolan koy palasiom, tan say apoy temeken to met ya amin iray walad kaliber-liber to. Siak, say Katawan, so nansalita.”

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

Jeremias 25:14

Pambayaren ko ray taga Babilonia lapud saray ginagawa ra, et amayamay a bansa tan matalonggaring ya arari so mangaripen ed sikara.’”

Daniel 2:45

Anengneng mo no panon a ginmoray imay baton baleg a nanlapud palandey tan tinmolin ed samay talintaon balatyang, gansa, dalin, pilak, tan balituk. Say matalonggaring a Dios impaamta to, Kagalang ya Ari, so nagawa ed arapen a panaon. Sikato ya so tuan kinogip mo tan say petepeteg a kabaliksan to.”

Daniel 4:35

Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Zacarias 9:1

Sikato yay salitan papaibaga na Katawan: Inggetar to lan nadusa so dalin na Hadrac tan say siudad na Damasco. Aliwa labat a saray tribu na Israel so kayaryan na Katawan, no ag ingen pati say manonan baley na Siria.

Mateo 16:27

Ta onsabiy Anak na Too a walad sikatoy pakayari na Ama to, tan kaiba to ray anghil to. Diad satan met a bekta so pambayar tod balang too, onung ed gawgawa to.

Juan 5:29

tan nabilay ira. Saray nanggagaway maung, onoli ran naitdan na bilay ya andi-anggaan; balet saray nanggagaway maoges, onoli ran nadusa.”

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

TAGA-EFESO 1:11

Amin a bengatla nagagawa onung ed plano tan linaway Dios; tan pinili kamiy Dios a totoo to diad pikakasakey ed Cristo, onung ed getma tan plano to nanlapu lad gapo.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Puyan 22:12

“Dengel kayo!” kuanen Jesus. “Onsabi ak lan magano! Awiten ko ray tumang ya iter kod balang sakey, onung ed ginagawa to.