Jeremias 31:38 - Maung A Balita Biblia

³⁸ “Onsabi so panaon,” kuay Katawan, “a napasimbalon nipaalagey a siudad ko so intiron Jerusalem, manlapud tori na Hananel ya anggad Puirta na Sokung.

Maung a Balita Biblia

³⁸ Onsabi so panaon, kuay Katawan, a napasimbalon nipaalagey a siudad ko so intiron Jerusalem, manlapud tori na Hananel ya anggad Puirta na Sokung.

Jeremias 31:38 Iomraidhean Croise

2 Saray Arari 14:13

Inawit nen Jehoas ya adakep si Amasias, tinmuloy ed Jerusalem, insan gineba toy padir na siudad manlapud Puirta na Efraim ya anggad Puirta na Suyok, a sanlasus tan siamaplon mitroy karokey to.

2 Saray Awaran 26:9

Pinabiskeg nen Uzias so padir na Jerusalem diad impamaalagey to na saray tori ed Puritay Sokung, Puirtay Patar, tan diad saray nilikuan na padir.

Nehemias 2:17

Balet natan inkuankod sikara, “Nengneng yoy gunigon a walad sikatayo, lapud aderal-deral so Jerusalem tan saray puirta to. Pasimbaloen tin ipaalagey so padir na siudad tan pansamputen tayo la yay kababaingan tayo.”

Nehemias 3:1

Onya so impamaalagey lamet ed padir na siudad. Pinasimbalon impaalagey nen Eliasib a Pangulon Pari tan saray kapara ton papari so Puirta na Karniro. Insaklang dad Dios, insan da inyan iray puirta to. Insaklang da so padir ya anggad Tori na Sanlasus tan say Tori nen Hananeel.

Saray Salmo 102:17

Dengelen to ray nikaindan a totoo to tan ebatan toy pikakasi ra.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Jeremias 31:27

“Siak, say Katawan, kuanko ya onsabiy panaon a panoen ko na totoo tan ayayep so dalin na Israel tan Juda.

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Jeremias 33:7

Paaligwasen koy Juda tan Israel, tan ipawil koy gendat a kipapasen da.

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Zacarias 14:10

Napalanas so intiron dalin manlapud Geba diad baybay ya anggad Rimon diad abalaten. Say Jerusalem mansiansian ososdungan to ray dalin ed kaliber-liber to; say siudad sakopen toy pasen a manlapud Puirta nen Benjamin ya anggad Puirta na Suyok, a kawalaan nen saman na gendat a puirta, tan manlapud Tori nen Hananel ya anggad pespesan na ubas na ari.

Zacarias 2:6

Say Katawan kuantod saray totoo to, “Inkaykayat ta kayo ed amin a pasen. Balet natan, sikayon nibantak ed arum a bansa et ibatikan yoy Babilonia tan pawil kayo lad Jerusalem.