Jeremias 31:35 - Maung A Balita Biblia

³⁵ Say Katawan iiter toy agew a manliwawa no agew tan say bulan tan saray bitewen a manindag no labi. Kimbogen toy dayat, kanyan onungol iray daluyon to; Yahweh a Makapanyarin-amin so ngaran to.

Maung a Balita Biblia

³⁵ Say Katawan iiter toy agew a manliwawa no agew tan say bulan tan saray bitewen a manindag no labi. Kimbogen toy dayat, kanyan onungol iray daluyon to; Yahweh a Makapanyarin-amin so ngaran to.

Jeremias 31:35 Iomraidhean Croise

Say Libro nen Job 26:12

Lapud pakayari to tinalo to so dayat, lapud karunongan to pinatey toy dragon a Rahab.

Say Libro nen Job 38:33

Amtam iray totontonen a mangooksuy na katawenan; tan nipakanam ira diad tapew na dalin?

Saray Salmo 106:9

Ginanggan toy Dayat ya Ambalanga, et minmaga; inwanwan ton binmaliw ed ekat iray totoo to.

Saray Salmo 119:89

Mansiansia ya anggad-angga so salitam, O Katawan; ando lan ando ed tawen.

Saray Salmo 119:91

Mansiasiansia ya anggad natan iray amin a bengatla lapud ganggan mo, ta aripen mo ran amin.

Saray Salmo 148:6

diad panamegley na ganggan to, andi-anggaan a nilira ra ed saray pasen da, et ag da nayarin sumlangen.

Saray Salmo 72:17

Ag komun nalingwanan so ngaran na ari; mansiansia komun a singa agew so inkabantug to. Amin a bansa kerewen da komun ed Dios a bindisionan to ra a singa impamindision tod ari.

Saray Salmo 72:5

Igalang ka komun na saray totoom anggad onsisinag ni so agew, legan ya onliliwawa niy bulan, diad amin a panaon.

Saray Salmo 74:13

Binelsay moy dayat lapud ontan lan pakayarim, tan binebetag moy kaolowan da ray dragon ed dayat;

Saray Salmo 74:16

Pinalsam so agew tan say labi; inliram so agew tan say bulan ed kawalaan da;

Saray Salmo 78:13

Binelsay toy dayat tan pinadalan to ra; pinaalagey ton singa padir so danum.

Saray Salmo 89:2

Amtak ya ag manganggay panangarom, tan say katooran mo et ag naderal a singa say tawen.

Isaias 48:2

Anggaman ontan ikikinon yon ibaga a mibabaley kayod masanton siudad tan manmamatalek kayod Dios na Israel, a say ngaran to et Yahweh a Makapanyarin-amin.

Isaias 51:15

“Siak so Katawan a Dios yo; kikimbogen koy dayat tan panuungolen ko ray daluyon to. Yahweh a Makapanyarin-amin so ngaran ko!

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Isaias 63:12

Kawalaan na Katawan a diad pakayari to et nanggawa na saray ankabaleg a pakelaw diad panamegley nen Moises, binelsay toy danum ed dayat tan inwanwan ton binmaliw iray totoo to ed aralem a danum, pian makagamur na ag manganggan kagalangan to?” Diad panangiwanwan na Katawan, singa ra kabayod katakelan ya ag balut natumba.

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Jeremias 32:18

Impanengneng moy ag mangoman a panangarom ed saray nilibon totoo, balet dudusaen mo met iray totoo lapud saray kasalanan da ray atateng da. Matalonggaring tan makapanyari kan Dios; Yahweh a Makapanyarin-amin so ngaran mo.

Jeremias 33:20

“Akisipanan ak ed agew tan say labi, kanyan onsabi ra lawas ed manepeg a panaon; et ag yan balut naderal a sipanan.

Jeremias 33:25

No panoy pangitutuloy ko, siak a Katawan, na impisipanan kod agew tan say labi, diad impangipaakseb ko na saray oksuy ed katawenan tan mundo,

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Jeremias 46:18

Siak, a Katawan a Makapanyarin-amin, et ari. Siak so mabilay a Dios. Say biskeg na onsabin ondogpa ed sikayo et singa Palandey na Tabor ya atagey nen saray arum, tan singa Palandey na Carmelo a diad kinaatagey to et ososdungan toy dayat.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Jeremias 50:34

Balet mabiskeg so mangyagel ed sikara—Yahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.”

Jeremias 51:19

Say Dios nen Jacob et aliwan singa sikara; sikatoy nanggawa ed amin a bengatla, tan pinili ton totoo ton dili so Israel. Yahweh a Makapanyarin-amin so ngaran to.

Oseas 13:14

Ag ko ra ilaban ed pakayari na pasen a panaayaman da ray inaatey odino iyagel ira ed pakayari na patey. O patey, ipadalan mo lay salot mo! O pasen a kawalaan da ray inaatey, ipadalan mo lay panagderal mo! Ag ko la kasian ira yan totoo.

Amos 9:8

Siak, say Katawan a Dios, et babantayan ko yan makasalanan a nanarian na Israel, tan deralen kod tapew na dalin. Balet ag ko deralen ya amin iray kabyangay boleg nen Jacob.

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.