Jeremias 31:34 - Maung A Balita Biblia

³⁴ Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.”

Maung a Balita Biblia

³⁴ Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.

Jeremias 31:34 Iomraidhean Croise

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Saray Salmo 25:7

Pirdonam pa ray kasalanan tan saray lingok nen wala ak nid kalangweran. Lapud ag mangoman a panangarom tan kaabigan mo, Katawan, nunot mo ak pa!

Isaias 11:9

Diad Sion a masanton palandey na Dios, anggapoy antokaman a mamasakit odino manderal. Say dalin napano na pikakabat ed Katawan a singa inkapnoy dayat na danum.

Isaias 29:24

Naaralan na saray makulang-kulang so ontalus, tan manliket a paibangat iray mariklamo lawas.”

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

Isaias 33:24

Anggapoy too a manayam ed dalin tayo a manriklamod sakit; napirdona ya amin so kasalanan.

Isaias 33:6

tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

Isaias 38:17

Say kapaitan na bilay ko et nasalatan na inawa. Iyaagel moy bilay ko ed amin a kaatapan; Pipirdonaen moy amin a kasalanan ko.

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Isaias 44:22

Saray kasalanan mo et impapalir ko ra a singa lorem. Pawil kad siak; siak so mangilalaban ed sika.”

Isaias 52:6

Onsabiy agew a birbiren yon siak so Dios tan siak so akisalita ed sikayo.”

Isaias 54:13

“Siak a dili so mambangat ed saray totoom tan mangiter ed sikara na ontan lan aligwas na bilay.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Jeremias 33:8

Linisan ko rad kasalanan dad siak; pirdonaen ko ray kasalanan da tan say insumpa rad siak.

Jeremias 50:20

No onsabi yan panaon, anggapoy narumog a kasalanan ed Israel tan diad Juda, lapud pirdonaen ko ray totoon intilak kon mambilay. Siak, say Katawan, so nansalita.”

Jeremias 9:23

Say Katawan kuanto, “Ag nepeg ya ipasirayew na saray makabat a totoo so kakabatan da, odino saray mabiskeg a totoo so biskeg da, odino saray mayaman a totoo so kayamanan da.

Oseas 2:20

Tooren koy sipan ko tan kayaryanen ta ka, tan birbiren mo ak a Katawan.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Mikias 7:19

Sika so mangasi lamet ed sikami. Igatin-gatin mo ray kasalanan mi tan ipalereg mo rad dalem na dayat!

Habacuc 2:14

Say mundo et napano na pikakabat ed kagalangan na Katawan a singa inkapano na dayat na danum.

Mateo 11:27

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.

Lucas 1:77

tan ibagam ed saray totoo to a nilaban ira, diad pakapirdonay kasalanan da.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Juan 17:6

“Impakabat ta kad saray totoon nanlapud mundo ya inter mod siak. Kien mo ra, tan inter mo rad siak. Inonur day salitam,

Juan 6:45

Insulat na saray propita, ‘Tan nabangatan iran amin na Dios.’ Ondadagod siak so balang sakey ya onderengel tan manaaral ed Ama.

Saray Gawgawa 10:43

Amin da ray propita nansalita ra nipaakar ed sikato, tan inkuandan siopamay manisiad sikato et napirdona ray kasalanan to diad panamegley na ngaran to nen Jesus.”

2 CORINTO 2:10

Siopamay toon pinirdona yo, pinirdonak met la. Say pinirdonak, no wala bilang, pinirdonak makasengeg ed sikayo, diad arap nen Cristo,

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

TAGA-EFESO 1:7

Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

1 TESALONICA 4:9

Nipaakar ed pangarod agagid pananisia, ag la nakaukolan ya isulat ed sikayo, ta imbangat lad sikayo na Dios no panoy panaarowan yo.

Saray Hebreo 5:12

Diad sayan kabayag na panaon, nepeg komun a bumabangat ki la natan balet, anggad natan, nakaukolan yo niy mangibangat ed sikayo na onaan iran aaralen a nipaakar ed salitay Dios. Nepeg yo la komuy mangan na anawet a kakanen, balet oniinom kayo niy gatas.

Saray Hebreo 8:11

Ag la nakaukolan na siopaman ya ibangat toy kapara ton too o ibaga tod kabansaan to, ‘Amtaen moy Katawan.’ Ta nakabatan da ak ya amin, abeba may atagey so kipapasen to.

Saray Hebreo 8:12

Pirdonaen ko ray kasalanan da tan ag ko la nunoten iray ginagawa ran kaogsan.”

1 Juan 2:20

Balet amin yo amta yoy katwaan, ta niiter lay Ispiritu Santo ed sikayo.

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

1 Samuel 2:12

Maoges iray lalakin anak nen Eli. Ag da italtalek so Katawan