Jeremias 31:25 - Maung A Balita Biblia

²⁵ Pasimbaloen koy liknaan da ray mapagpaga, tan peneken koy kakanen iray makapkapoy lad eras.

Maung a Balita Biblia

²⁵ Pasimbaloen koy liknaan da ray mapagpaga, tan peneken koy kakanen iray makapkapoy lad eras.

Jeremias 31:25 Iomraidhean Croise

Saray Salmo 107:9

Pepeneken to ray nanaapgaan, tan pepeselen to ra na maung a bengatla iray nanaerasan.

Saray Salmo 23:3

Papasimbaloen toy biskeg ko. Iwawanwan to ak ed saray maptek a dalan, onung na insipan to.

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Isaias 40:29

Pabibiskegen to ray makapoy tan saray naksawan.

Isaias 41:17

“No diad pankaukolan na saray totook et mananap ira na danum, no amaga lay kolokolung da lapud inkapgaan, siak ed satan a Katawan et ebatan koy pikakasi ra; siak, a Dios na Israel et ag ko ran balut ikaindan.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Jeremias 31:12

Ondago ra tan mankanta rad liket diad Palandey na Sion tan panliketan da ray rigalok— saray rigalon trigo, alak, tan larak na oliba, saray karniro tan saray baka. Magmaliw iran singa asalusalug a tanamanan, tan nawalaan ira na amin a nakaukolan da.

Jeremias 31:14

Peneken ko na mananam a kakanen iray papari, tan iter koy amin a nakaukolan na saray totook. Siak, say Katawan, so nansalita.”

Ezekiel 34:14

Pankabkaben ko rad patar na kapalandeyan ya arawid kaatapan, diad saray patar tan diad amin a mabonan pastolan ed dalin na Israel.

Mateo 11:28

“Dago kayod siak, amin yon nakekesawan ed panaawit yoy ambelat, ta pampainawaen ta kayo.

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Lucas 1:53

Pinesel to na maung a bengabengatla iray narasan, tan pinataynan ton kalima-lima iray mamayaman.

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

2 CORINTO 7:6

Balet say Dios a manliligliwad saray nanaekalay ilalo, niligliwa to kami diad insabi nen Tito.