Jeremias 31:20 - Maung A Balita Biblia

²⁰ “Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Maung a Balita Biblia

²⁰ Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Jeremias 31:20 Iomraidhean Croise

Genesis 43:30

Insan biglan tinmaynan si Jose, ta napnoy puso to na panangarod kinen agi to. Ngalngali la makaakis, kanyan linmad kuarto to tan diman nanakis.

1 Saray Arari 3:26

Say peteg ya ina a napnoy puso to na panangaro ed saman ya anak to inkuantod ari, “Panangasi yo, Kagalang ya Ari, ag yo papateyen so ogaw! Iter yo lad sikato!” Balet samay sakey a bii inkuanto, “Anggapoy pangitdan yod sikami tay ogaw, paldua yo la.”

Saray Salmo 103:13

No panoy panangasi na ama ed saray anak to, ontan met so pangakasiy Katawan ed saray mangigagalang ed sikato.

Probirbio 3:12

Say Katawan pepeteken to ray inaro to, a singa pamepetek na ama ed anak ton ikikinon to.

Kanta nen Solomon 5:4

Say inarok impeket tod puirta so lima to, nidomay liknaan ko lapud asingger la.

Isaias 16:11

Manoogaog ak ed ermen lapud agawad Moab tan Kir-hareset.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Jeremias 3:12

Imbaga to nid siak ya onla ak a mangikuan ed Israel, “Aliwan matoor ya Israel, pawil kad siak. Lapud mapangasi ak, ag ta ka la pampasnukan; aliwan ando lan ando so petang na olok ed sika.

Jeremias 3:19

Say Katawan kuanto, “Israel, nilabay ko ya awaten ta kan anak, tan itdan ta ka na makapaliket a dalin, say sankaabigan a dalin ed intiron mundo. Nilabay ko a tawagen mo ak na ama, tan ag mo ak la ikaindan.

Jeremias 31:9

Diad liket dan ompapawil iray totook ag da napokpokay interter na lua ra, mampipikasi ra legan ko ran iwawanwan. Iwanwan ko rad gilig na managagos a danum, diad mablak a dalan pian ag ira niparokul. Singa ama so pasen ko ed Israel, et si Efraim so sankapangulowanan ya anak kon laki.”

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Jeremias 48:36

“Singa ak toon manotogtog ed plauta na sakey a togtog a para tolur diad pannanangis kod Moab tan saray totood Kireres, ta naandi ya amin so kayaryan da.

Saray Tagleey 3:22

Ag mangangga so ag mangoman a panangaro tan panangasi na Katawan.

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Oseas 14:4

Say Katawan kuanto, “Papawilen kod siak iray totook. Aroen ko ra ed intiron pusok; nakal lay pasnuk kod sikara.

Levitico 26:44

Balet anggaman ontan, no wala ni rad dalin na saray kalaban da, ag ko ra sigput ya ikaindan, ni deralen. Ta no sigput ko ran ikaindan mangangga so impisipanan kod sikara, et siak so Katawan a Dios da.

Lucas 15:24

Ta inatey yan anak ko, balet mabilay la; abalang, balet nalmo la.’ Ginmapo sirin so panliliket da.

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

FILIPOS 1:8

Kabat na Dios a say pampilpilalek kon makapinengneng ed sikayo et manlalapud dilin panangaro nen Cristo Jesus.

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.